Սպերցյանը հայտարարություն է տարածել իր մասնակցությամբ սկանդալի վերաբերյալ

ՌՊԼ-ի 11-րդ տուրի շրջանակներում «Կրասնոդարը» սեփական հարկի տակ ընդունել էր «Ախմատին»(2։0), հանդիպման ընթացքում միջադեպ էր գրանցվել Էդուարդ Սպերցյանի և Ուսմանե Նդոնգի միջեւ. Սպերցյանի ծնոտին հարվածելու համար վերջինս ուղիղ կարմիր քարտով հեռացվել էր խաղադաշտից։ Խաղից հետո տված հարցազրույցում սենեգալցին մեղադրել էր Սպերցյանին իր հասցեին ռասիստական վիրավորանքներ հնչեցնելու մեջ, ինչին պատասխանելով հայ ֆուտբոլիստը նախ հերքել էր մեղադրանքը, ապա նշել որ հենց Նդոնգն է անվայելուչ խոսքեր ասել` հասնելով անգամ հայհոյանքի։ Հայ ֆուտբոլիստը նաեւ հանդես է եկել հայտարարությամբ, քանի որ կրքերը չեն հանդարտվում եւ «Ախմատին» պահանջել էր Սպերցյանին որակազրկել.

«Բարի երեկո բոլորին։ Ես կցանկանայի մեկնաբանել երեկվա իրավիճակը, որն արդեն անցել է սահմանները։ Անընդունելի եմ համարում իմ դեմ ուղղված անհիմն մեղադրանքները։ Ես պատրաստ եմ ապացուցել իմ փաստարկները ցանկացած անհրաժեշտ միջոցով։

Դիտել տեսախցիկների տեսագրությունները, կարդալ շուրթերից, անցնել պոլիգրաֆ՝ ոչ մի խնդիր։ Ես վստահ եմ ինքս ինձ և իմ խոսքերի մեջ։ Գիտեմ, որ ես դա չեմ ասել։ Մեծացել եմ Կովկասում, գիտեմ բոլոր հասկացությունները, ես ճիշտ դաստիարակվել եմ։ Երբեք ինձ թույլ չէի տա նման բան անել։ Ես ունեմ շատ ընկերներ և ծանոթներ ամբողջ աշխարհում, որոնց հետ շփվում եմ։ Այն, ինչ հիմա կատարվում է, ծիծաղելի է և նման է ինչ-որ կրկեսի։ Իմացեք, որ վստահ եմ իմ խոսքերի մեջ և պաշտպանում եմ դրանք, և ես պատրաստ եմ ամեն ինչի»,– ասել է Սպերցյանը իր Telegram ալիքում տեղադրված տեսանյութում։

Այս թեմայով «Ալ Ահլի» նոր մարզիչը լավ գիտի Սպերցյանին, ամեն ինչ լավ կստացվի. Մուսաև Նորեկ, որը դառնում է թիմի հենասյունը. Արաբական մամուլը հիացած է Սպերցյանի խաղով Սպերցյանը հերթական գոլն է գրանցել իր հաշվին (տեսանյութ) Բավորությամբ և պրոֆեսիոնալիզմով Սպերցյանը շատ նման է Հենրիխ Մխիթարյանին. Մելիքյան Սպերցյանն ավելի մեծ օգուտ է բերում Ալ-Ահլիին, քան Ռոնալդուն՝ Ալ-Նասրին․ Օլասա