Ռուսական ավիացիան ФАБ-3000 ավիառումբով ոչնչացրել է ուկրաինական կարեւոր կամուրջներից մեկը (Տեսանյութ)

Ռուսական ավիացիան ФАБ-3000 ավիառումբով ոչնչացրել է ուկրաինական կարեւոր կամուրջներից մեկը: Խոսքը Սլավյանսկի և Լիմանի միջև` Ռայգորոդոկ գյուղի մոտ Սևերնի Դոնեց գետի հատող հիմնական ավտոմոբիլային կամրջի մասին է: Սրա մոտ գտնվում է նաեւ երկաթուղային կամուրջ, որն ավելի վաղ է ոչնչացվել:

Այս կամրջի էական նշանակությունը նրանում է, որ դարձել էր ողջ Լիմանի տիրույթի մատակարարումների հիմնական ուղին: Հատկապես այն բանից հետո, երբ Լիմանի հյուսիսում ռուսները փակեցին ավտոմոբիլային եւ երկաթուղային ուղիները, եւ հիմա էլ հարավից են շրջանցում Լիմանը:

Ճիշտ է, այդ ուղղությամբ` Զակտնոե բնակավայրի հատվածում կա Սևերնի Դոնեցը հատող եւս մեկ ավտոմոբիլային կամուրջ (Քարտեզ 2), որն ուկրաինական կողմը դեռ կարող է ինչ-որ կերպ օգտագործել: Սակայն այդ ուղղությամբ ռուսական ուժերն ակտիվորեն գրոհում են Յամբոլ բնակավայրը, որից հետո այդ կամուրջը եւս վերջնականապես կփակվի: Ասենք, ներկայումս այն արդեն ռուսական մոտակա գործողության անօդաչուների հարվածի գոտում է: Ուկրաինական կողմը պարող է նաեւ ժամանակավոր անցումներ հիմնել: Բայց դրանցով մի ամբողջ ռազմաճակատ չես մատակարարի:

Արդյունքում, Ռայգորոդոկի կամրջի ոչնչացումը Լիմանի ողջ տիրույթը դնում է օպերատիվ շրջապատման վիճակում:

Այս թեմայով Ուկրաինական անօդաչուները խոշոր նավթաբազա են խոցել Կրասնոդարի երկրամասում (Տեսանյութ) Ռուսական ուժերն ավարտում են վելիկոբուռլուկյան ճակատի հյուսիսային մեծ «կաթսայի» մաքրումը (Տեսանյութ, Քարտեզ) Ուկրաինական աղբյուրներ. ռուսները վերադարձել են մշտական հարվածների սխեմային. Կիեւում երկրորդ օրն է, որ հարձակումը շարունակվում է Ռուսներն Օդեսայի մարզում կարեւոր կամուրջ են խոցել (Տեսանյութ) Ռուսական ուժերը Կիեւում խցել են «Ստոլիչնի» խոշոր շուկան (Տեսանյութ)