Պոկրովսկում իրավիճակը աղետալի է, եւ պարտությունը կարող է կատաստրոֆիկ նշանակություն ուենալ ողջ պատերազմի համար. Ուկրաինական աղբյուր

«Ուկրաինացի ռազմական փորձագետները սկսում են հասկանալ, որ կառավարությունը նրանց հետ վարվում է ինչպես հիմարների»,- գրում է ուկրաինական աղբյուրը` մեջբերելով «Տեղեկատվական դիմադրություն» խմբի համակարգող Մաշովեցի խոսքը։ Առ այն, որ` «Չեմ կարողանում հավատալ, որ նրանք ստում են ռազմաճակատում տիրող իրավիճակի մասին։ Նովոյե Շախովոն չի ազատագրվել։ Դոբրոպոլեի հատվածում թշնամու շրջապատումներ չկան (դա հայտարարել է գլխավոր հրամանատար Սիրսկին)։ Ավելին, իրավիճակը շարունակում է վատթարանալ Ուկրաինայի զինված ուժերի համար»։

Ապա աղբյուրն ավելացնում է. «Մինչ օպերատիվ և գլխավոր շտաբները փորձում են կտրել Պոկրովսկի ելուստը՝ ավելի շատ ռեզերվներ ուղարկելով` այլ ուղղություներից հանելով, Պոկրովսկում իրավիճակը վատթարանում է։ Ռուսները հակագրոհներ են սկսել Պոկրովսկի արևմտյան մասում և արդեն վերահսկում են քաղաքի գրեթե 10%-ը այդ կողմից։ Եթե ​​Բանկովայան բաց թողնի պահը և չկարողանա կանգնեցնել Ռուսաստանի զինված ուժերի առաջխաղացումը այս թևում, «Պոկրովսկի խառնարանը» կվերածվի Պոկրովսկի կաթսայի։ Իսկ ռուսները մեծացնում են ճնշումը Պոկրովսկի ճակատի տարբեր հատվածների վրա՝ ուկրաինական պաշտպանությունը ձգելու և այն փլուզելու համար։ Ճակատի այս հատվածում իրավիճակը աղետալի է Ուկրաինայի զինված ուժերի համար, այս հատվածում պարտությունը կարող է կատաստրոֆիկ նշանակություն ուենալ ողջ պատերազմի համար»:

Ուկրաինական աղբյուրը նույնիսկ բավականին մողմ է իրավիճակը նկարագրում: Փաստացի այս պատկերն է: Բուն Պոկրովսկում, մասնավորապես արեւմտյան հատվածում ռուսական ուժերը հյուսիս-արեւելյան արդյունաբերական գոտին (Քարտեզ 1)` այն երկու ուղղությամբ շրջանցելով: Ընդ որում, այստեղ հիմնական խնդիրն անգամ այդ գոտին չէ, այլ, որ այն շրջանցելով, ռուսները դուրս են գալիս Գրիշինո բնակավայրի մատույցներ: Հենց Գրիշինոն է, որ ներկա պահին դարձել է ողջ Պոկրովսկ-Միրնոգրադի անգլոմերացիայի հանգուցալուծումը: Այստեղով է անցնում մատակարարումների վերջին ուղին, որը եթե ֆիզիկապես կտրվի, անգլոմերացիան պահելու որեւէ շանս չի մնա:

Հաշվի առնելով նաեւ, որ հյուսիսից` արդեն շրջապատված Ռոդինսկոեի հատվածից ընթաում է ռուսների հանդիպակած հարձակումը, որը սպառնում է ֆիզիկապես շրջապատել ողջ անգլոմերացիան (Քարտեզ 2):

Ելքը հյուսիսում` այսպես ասած` Դոբրոպոլեի ելուստի հատվածում հրվածն էր: Ուկրաինական կողմը, կենտրոնացնելով մեծ ուժեր (այլ ճակատների հաշվին), վերջին շաբաթներին փորձեց կտրել ելուստի հիմքերը: Դա ավարտվեց ուկրաինական կողմի համար հսկայական կորուստներով: Ներկա պահին ռուսական կողմը, ստանձնելով ռազմավարական նախաձեռնությունը, անցել է հակահարձակման, եւ արդեն ուկրաինական գրոհյին ուժերը կարող են հիմնական ճեղքման հատվածներում հայտնվել շրջապատատման մեջ: Սպասելի է, որ Սիրիսկին նոր ուժեր կնետի այս «մսաղացի» մեջ, բայց այս պահին քիչ հավանական է, որ այն կտա արդյունք (Քարտեզ 3):

Այսպիսով, Պոկրովսկում ուկրաինական բանակն աչքի առաջ կորցնում է ոչ միայն ռազմավարական ռեզերվների մնացորդները, այլ նաեւ լուրջ խնդիր է առաջացրել գործնականում մյուս բոլոր ուղղությունենրում: Այն է` Պակրովսկում պարտությունն իրոք կարող է դառնալ ճակատագրական` լուծելով ողջ պատերազմ ելքը: Ու այն, որ դա նկատում են նաեւ ուկրաինական փորձագետները, կարելի է հասկանալ. սա այն իրողությունն է,որը չտեսնել պարզապես հնարավոր չէ:

Այս թեմայով Ռուսաստանը մտադիր է կաթվածահար անել Ուկրաինայի ողջ լոգիստիկան. Ուկրաինական լրատվամիջոցներ Ուկրաինական անօդաչուները խոշոր նավթաբազա են խոցել Կրասնոդարի երկրամասում (Տեսանյութ) Ուկրաինական աղբյուրներ. ռուսները վերադարձել են մշտական հարվածների սխեմային. Կիեւում երկրորդ օրն է, որ հարձակումը շարունակվում է Ռուսաստանը կարող է սրել իր հիբրիդային առճակատումը Եվրոպայի հետ Բրիտանիան կարող է աղետի ենթարկվել, եթե ԱՄՆ-ն արգելի դիզելային վառելիքի արտահանումը. Telegraph