Նիկոլի միակ «փրկությունը» մնացել է պետությունը լուծարելը, որ վերանա նաև իր պատասխանատվության հարցը․ Ֆարմանյան

ԱԺ նախկին պատգամավոր Սամվել Ֆարմանյանը գրել է․

«Շիրակի թեմի առաջնորդ Միքայել արքեպիսկոպոս Աջապահյանի ապօրինի ազատազրկումը հերթական անջնջելի խարանն է հայ ժողովրդի ճակատին:

Հասկացեք, Նիկոլն անում է այն, ինչ չանել ուղղակի արդեն չի կարող: Ինքը չունի այլընտրանք, քան շատ կոշտ ավտորիտարիզմն ու Հայաստանի Հանրապետության վերջնական կազմաքանդումը: Չունի այլ տարբերակ:

Նա այնպիսի աններելի մեղքի ու պատմական բեռի տակ է մտել, որ իր միակ «փրկությունը» մնացել է մեկ օր ավելի իշխանություն ունենալն ու վերջում պետության լուծարումը: Որ պետության լուծարման հետ միասին վերանա նաև իր պատասխանատվության հարցը:

Հայաստանի ժողովուրդն ու մեր ընդդիմությունը կամ կարողանում է ուժ գտնել՝ կանխելու այդ անխուսափելի մղձավանջը, կամ դառնում է այդ ամենի լուռ ու անկարող վկան:

Պատմությունն ունի և՛ առաջինի և՛ երկրորդի օրինակները: Այդ թվում՝ մեր պատմությունը:

ՔՊ խմբակցությունն իր հերթին կամ մեկ քվեարկությամբ ձերբազատվում է իր այսօրվա պատանդի կարգավիճակից և պատմական խարանից, կամ ամբողջությամբ կիսում է Նիկոլ Փաշինյանի պատասխանատվությունը»:

Այս թեմայով ՑԱՆԿ. Գործարար, իրավաբան, լրագրող, տնտեսագետ, քաղաքագետ.Ովքեր են ուժեղների 29 պատգամավորները Տիկին ՄԻՊ, ասելիք չունե՞ք… Արմինե Ֆարմանյան ՇՏԱՊ. Մարդիկ հետապնդվում են խոսքի և կարծիքի համար Որն է Աստանայի ետնաբեմը. Սամվել Ֆարմանյան Եթե ազնիվ եք, ու տակը թաքցնելու բան չկա՝ ինչո՞ւ չեք ստորագրում. Ֆարմանյանը՝ «Հայաստան» խմբակցության պատգամավորներին