Ահա, թե ում վրա է հույսը դրել իշխանությունը

ԱՄՆ դաշնային բյուջեի չհաստատմամբ պայմանավորված՝ ողջ աշխարհում ԱՄՆ դեսպանատներն ու հյուպատոսությունները, այդ թվում՝ ՀՀ-ում ԱՄՆ դեսպանատունը, ստիպված են ժամանակավորապես սահմանափակել իրենց գործունեությունը։ Ներկայումս իրականացվում են միայն նվազագույն եւ կենսական անհրաժեշտություն ունեցող գործառույթները։

Կշարունակվեն միայն նշանակված անձնագրային եւ վիզաների ծառայությունները, քանի դեռ իրավիճակը թույլ կտա: Այս մասին ասված է դեսպանատան պաշտոնական հաղորդագրությունում: Միաժամանակ, հաղորդվում է, որ սոցցանցային հրապարակումները եւս ժամանակավորապես կդադարեցվեն։ Բացառություն կկազմեն միայն անվտանգության եւ ապահովության հետ կապված անհետաձգելի հրապարակումները:

Հիշեցնենք, որ ԱՄՆ-ում նոր ֆինանսական տարին սկսվել է առանց Կոնգրեսի կողմից հաստատված բյուջեի։ Այս հանգամանքը դաշնային իշխանություններին կանգնեցրել է «շաթդաունի» առաջ՝ ստիպելով շատ կառույցների դադարեցնել աշխատանքը կամ անցնել սահմանափակ ռեժիմի։ ԱՄՆ Սենատը չի կարողացել ընդունել կառավարության ֆինանսավորման վերաբերյալ առաջարկված երկու օրինագծերից եւ ոչ մեկը։ Արդյունքում՝ Սպիտակ տունը հանձնարարել է դաշնային կառույցներին պատրաստվել աշխատանքի ժամանակավոր դադարեցմանը։

ՀՐԱՆՏ ՍԱՐԱՖՅԱՆ

Այս թեմայով «Կանաչ լույս»՝ ԱՄՆ դեսպանատան դիմաց բողոքի ակցիաների համար Ավստրալիան արտաքսել է Իրանի դեսպանին և փակել Թեհրանում իր դեսպանատունը Ռուս դիվանագետները բարձրացել են Խուստուփ լեռան գագաթը ԱՄՆ դեսպանատունը հայտարարությամբ է հանդես եկել Վիզայի դիմումները քննելիս դիտարկում ենք առկա բոլոր տեղեկությունները՝ բացահայտելու անձանց, որոնց մուտքն ԱՄՆ չի կարող արտոնվել․ ՀՀ-ում ԱՄՆ դեսպանատուն