«ՍԱՀՄԱՆԱԴՐԱԿԱՆ ԻՐԱՎՈՒՆՔ ՄԻՈՒԹՅՈՒՆ» ԿՈՒՍԱԿՑՈՒԹՅԱՆ ՀԱՅՏԱՐԱՐՈՒԹՅՈՒՆԸ

Հաշվի առնելով, որ ՀՀ վարչապետի պաշտոնը զբաղեցնող անձը` Նիկոլ Փաշինյանը  իր գործունեության ընթացքում խախտել է Հայաստանի Հանրապետության տարածքային  ամբողջականությունը, ինքնիշխանությունը, խախտել է Հայաստանի Հանրապետության անկխաության մասին  հռչակագիրը, ինչպես նաեւ ՀՀ սահմանադրության առնվազն 34 հոդված, ինչով կատարել է իշխանության յուրացում, միաժամանակ իր եւ իր կառավարության  գործունեության արդյունքում կտրուկ վատթարացրել է Հայաստանի Հանրապետության  միջազգային վարկը,  ՀՀ տնտեսական եւ սոցիալական վիճակը, կրկնապատկել է երկրի արտաքին պարտքը,  ՀՀ-ում  բնապահպանական ցուցանիշները, պատճառ է դարձել ՀՀ-ից քաղաքացիներ արտագաղթի, թուլացրել է կապերը սփյուռքի հետ, պարտվել է պատերազմում,  ինչպես նաեւ պարտվել է սահմանային  ռազմական կոնֆլիկտներում, ոտնատակ է տվել հայ ազգի արժանապատվությունը եւ պատմական հիշողությունը,  հարձակումներ է գործել Հայ Առաքելական եկեղեցու հանդեպ, քաղաքական հետապնդումների է ենթարկել իր քաղաքական ընդդիմախոսներին, 2018թ. ապրիլ-մայիսին ապօրինի կերպով զավթել է իշխանությունը ՀՀ-ում, նույն թվականին ապօրինաբար լուծարել է Ազգային ժողովը:

Ա. «Սահմանադրական Իրավունք Միությունը»

1. Ողջունում է Ազգային ժողովում քաղաքցի Ն. Փաշինյանի նկատմամբ անվստահության գործընթացը:
2. ՍԻՄ-ը ի աջակցություն խորհրդարանական քաղաքական ուժերի նախաձեռնած անվստահության գործընթացին հայտարարում է, որ անվստահություն է հայտնում ՀՀ վարչապետի պաշտոնը զբաղեցնող  Ն. Փաշինյանին եւ պահանջում է նրա պաշտոնանկությունը:
3. Առաջարկում է բոլոր ոչ խորհրդարանական ուժերին, այդ թվում կուսակցություններին, հասարակական կազմակերպություններին, շարժումևերին ստորագրել համատեղ հայտարարություն Ն. Փաշինյանին անվստահություն հայտնելու եւ իր պաշտոնանկությունը պահանջելու վերաբերյալ:
4. Առաջարկում է ՀՀ ԱԺ ընդդիմադիր պատգամավորներին մինչեւ 2026թ. հունվարի 28-ը իմպիչմենտի գործընթացը հաջողության չհասցնելու դեպքում վայր դնել իրենց պատգամավորական մանդատները:
5. 3-րդ կետում նշած պահանջների տակ ստորագրած ուժերին առաջարկում ենք ձեւավորել համահայկական դիմադրության ճակատ, անկախ ճակատի մասնակիցների  ներքաղաքական կամ արտաքին քաղաքական  ծրագրերից, կողմնորոշումներից եւ ունեցած աշխատանքային նախկին, թե ներկայիս ճանապարհից:
6. Համահայկական դիմադրության ճակատում միավորված ուժերին առաջարկել դադարեցնել միմյանց հանդեպ քննադատական  դրսեւորումները մինչեւ  2026թ. Ազգային ժողովի հերթական ընտրությունները:
7. 2026թ. Ազգային ժողովի ընտրություններում հանդես գալ մեկ դաշինքով, որի կարգախոսն է լինելու ` «ՀՀ սահմանադրությանը այո, Նիկոլին` ոչ»:
8. Ընրություններում հաջողության դեպքում ստեղծել կոալիցիոն կառավարություն, մեկ տարվա ընթացքում վերականգնել ՀՀ-ում սահմանադրական կարգը եւ նշանակել ԱԺ նոր արտահերթ ընտրություններ:

Բ. ՍԻՄ-ը նախաձեռնում է կոնսուլտաիցիաների  շարք վերոհիշյալ ծրագիրը քաղաքական եւ հասարակական ուժերի հետ  քննարկելու  վերբերյալ:

03.10.2025թ.

Այս թեմայով ՇՏԱՊ. Դիմում եմ ՀՀ իրավապահ մարմիններին՝ նախաձեռնելու քրեական վարույթ. Հայտնի փաստաբանի հայտարարությունը ⚡️⚡️«Իրավունք» թերթի այսօրվա տպագիր համարում կարդացե՛ք... ⚡️⚡️«Իրավունք» թերթի այսօրվա տպագիր համարում կարդացե՛ք... «Սարխանի» լրտեսության գործի մանրամասները. «Սալամ, Թուրալ» ⚡️⚡️«Իրավունք» թերթի այսօրվա տպագիր համարում կարդացե՛ք...