«Փաստ». Վաղարշապատում ՔՊ-ն դռնեդուռ ընկած՝ փորձում են ձայներ հավաքել, խոստումներ ստանալ

Մամուլի տեսություն 2 Հոկտեմբեր, 2025 9:24

«Փաստ» օրաթերթը գրում է. «Վաղարշապատ համայնքի ղեկավարի պաշտոնակատար Արգիշտի Մեխակյանն իր սոցցանցային էջում տեղեկացրել է, որ նախօրեին հանդիպում է ունեցել «Էջմիածին» բժշկական կենտրոնի աշխատակիցների հետ։ Պաշտոնական ձևակերպման մեջ նշվում է, թե իբր քննարկվել են «առողջապահական ոլորտում առկա խնդիրները և դրանց լուծման ուղիները»։

Սակայն տեղի բնակիչները նշում են, որ սա նախընտրական տրամաբանության շրջանակներում է, և Վաղարշապատի ավագանու ընտրություններից առաջ Մեխակյանը քարոզարշավի նմանվող նմանատիպ հանդիպումներ է ունենում նաև կրթական ոլորտի ներկայացուցիչների հետ, հանդիպում է գործարարների հետ, փորձում ցույց տալ, թե մտահոգված է մարդկանց խնդիրներով։ Մեզ հետ զրույցում մարդիկ ասում էին, թե բոլորն էլ գիտակցում են՝ իրականում սա ոչ թե քաղաքական պատասխանատվություն է, այլ ընտրություններից առաջ «քվեաորսություն»։

Մեզ նաև պատմեցին, որ թե՛ բժիշկները, թե՛ մանկավարժները դժգոհում են՝ ի՞նչ ունի ասելու բժշկական կամ կրթական ոլորտում մի մարդ, որը որևէ կապ չունի այդ համակարգերի հետ։ Ըստ մեր զրուցակիցների, մարզպետարանից պարտադրում են բուժաշխատողներին ու մանկավարժներին՝ մտնել ավագանու ՔՊ-ի ցուցակ, բայց մարդիկ մասսայաբար հրաժարվում են՝ ցույց տալով իրենց անվստահությունը։ Շատերն ուղղակի ամաչում են այն փաստից, որ ավագանու ցուցակ մտնելու դեպքում իրենց անունը կապվելու է ՔՊ-ի հետ։

Ի դեպ, ուշագրավ է, որ մեզ հետ զրուցող մարդկանց հատկապես զարմացնում է ՔՊ-ի «թքած ունենալու» մոտեցումը՝ ընդդիմադիր համայնքապետ Վալոդյա Գրիգորյանի և նրա ընկերոջ դաժան սպանության ֆոնին։ Հանրության լայն շերտերը այս դեպքը համարում են որպես քաղաքական սպանություն և դրա պատասխանատվությունը դնում հենց իշխող ուժի վրա։ Իշխանությունն էլ լավ է հասկանում, որ այս սպանությունները շատ վատ հետևանք են ունեցել ՔՊ-ի ռեյտինգի վրա, և դռնեդուռ ընկած՝ փորձում են ձայներ հավաքել, խոստումներ ստանալ։

Առավել մանրամասն թերթի այսօրվա համարում

Այս թեմայով

Գերմանիայում ակտիվորեն քննարկվում է Մերցի հրաժարականի հարցը. Կանցլերը փորձում է դիմադրել

«Եդինայա Ռոսիյան»-ը հավաքել է ձայների 49.4%-ը

Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար

ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով

Խնդրում ենք վարչապետին քայլեր ձեռնարկել քաղաքային բյուջեն հոր «դուքյանի» վերածած համայնքապետից մեզ ազատելու համար. Ահազանգում են վայքեցիները