Հ1 հրավիրված ֆեյք հոգևորականը կառավարությունում պաշտոն է ստացել

Հայաստանում ստեղծված հակաեկեղեցական ֆոնին ասպարեզ դուրս եկան նաև որոշ նախկին եկեղեցականներ, որոնք ինչ-ինչ պատճառներով հեռացվել էին եկեղեցու ծառայությունից: Այդ մարդկանց շարքում էր նաև Գարեգին Բ կաթողիկոսի նախկին գավազանակիր Խորեն Վարդապետ Հովհաննիսյանը (ավազանի անունը` Նշան):

Նա Հանրայինի եթերում հայտարարել էր, որ Գարեգին Բ-ն զավակ ունի, ինչ-որ գումարներ է յուրացրել, եկեղեցին էլ դարձրել է իր համար բիզնես: Այլ կերպ ասած՝ միացել է գործող իշխանության հակաեկեղեցական պայքարին: 

Եվ այս ամենի հատուցումը չուշացավ:

MediaHub-ի տեղեկություններով՝ Նշան Հովհաննիսյանը կառավարությունում պաշտոն է ստացել: Ավելի կոնկրետ, լրատվամիջոցին ասել են, որ նա նշանակվել է ՀՀ կառավարության աշխատակազմի ազգային փոքրամասնությունների և կրոնի հարցերի բաժնի խորհրդական՝ կառուցվածքային ստորաբաժանումներում առանձին գործառույթներ համակարգող: Հրամանը ստորագրել է կառավարության աշխատակազմի ղեկավար Արայիկ Հարությունյանը: Այդ բաժնի պետ Վարդան Ասցատրյանը MediaHub-ի հետ զրույցում հաստատել է տեղեկությունը:

«Մոտ մեկ ամիս է` նա այստեղ աշխատանքի է անցել: Դեռևս փորձում է հարմարվել աշխատանքին: Իր համար աշխատասենյակն արդեն պատրաստ է, անհրաժեշտ ամեն բան արվել է»,- նշել է Ասցատրյանը:

Հարցին, թե ո՞ր արժանիքի համար է Հովհաննիսյանն անցել աշխատանքի, արդյո՞ք Վեհափառին զրպարտելու գինը սա էր, պատասխանել է՝ այդ ամենով Կադրերի վարչությունն է զբաղվել:

«Թե ինչպես է նա դիմել աշխատանքի համար, մրցույթ եղել է, չի եղել, այդ ամենը Կադրերի վարչությունից պիտի ճշտեք: Ես գիտեմ, որ մոտ մեկ ամիս է` այստեղ է աշխատում»,- ասել է Ասցատրյանը:

Հարցին՝ հիմա՞ էլ Հովհաննիսյանը կարող է գնալ Հանրայինի տաղավար ու տարբեր հայտարարություններ անել՝ Վարդան Ասցատրյանը պատասխանել է` ոչ:

«Ես իր հետ այդ թեմայով խոսել եմ: Իր պաշտոնը նման ակտիվ հանրային խոսք չի ենթադրում: Մենք այդ հարցի շուրջ զրուցել ենք»,- ասել է ՀՀ կառավարության աշխատակազմի ազգային փոքրամասնությունների և կրոնի հարցերի բաժնի երկարամյա պետը:

Մեկ այլ հարցի, թե արդյո՞ք գոհացնում է Նշան Հովհաննիսյանի աշխատանքն իրեն՝ Վարդան Ասցատրյանը պատասխանել է` դեռ վաղ է այդ մասին խոսելը:

Նշենք, որ Նշան Հովհաննիսյանը 2 անգամ կարգալույծ է հռչակվել: 

Ահա այն ամենը, ինչ պետք է իմանալ Նիկոլ Փաշինյանի՝ եկեղեցու դեմ մղվող պայքարին միացողներին վարձահատույց լինելու մասին:

Այս թեմայով Ստեփան Ասատրյանը ստո՞ւմ է. թամադան տեսանյութ է հրապարակել Վտանգավորը ոչ թե Գեւորգ եւ Աբրահամ Սրբազաններն են, այլ այն եպիսկոսներն ու արքեպիսկոպոսները, ովքեր դեռ «խաղում են» նվիրյալ Ինչ են փորձել համոզել հոգեւորականներին բերման ենթարկելիս. Բացառիկ «Տուշոնկա» օպերացիային երանի են տալու, էլ սեքս-սկանդալ, էլ ալան-թալանի տեսարաններ. Ինչ է սպասվում հոգեւոր դասին Մոտ տասնյակ հոգեւորականներ է խոստացել. Ովքեր են Վեհափառ Հայրապետի դեմ իրականացվող արշավի նավավարները