Խոշոր հրդեհ է բռնկվել Դալարիկ գյուղում․ կրակի դեմ պայքարում են հրշեջներն ու գյուղացիները

Այսօր՝ սեպտեմբերի 30-ին, խոշոր հրդեհ է տեղի ունեցել Արմավիրի մարզի Դալարիկ գյուղում․ ժամը 20։30-ի սահմաններում ՀՀ Ներքին գործերի նախարարության փրկարարական ծառայության 911 ճգնաժամային կառավարման ազգային կենտրոն ահազանգ է ստացվել, որ Դալարիկ գյուղի տներից մեկի անասնագոմում և բակում եղած անասնակերում հրդեհ է բռնկվել։
Ինչպես դեպքի վայրից հայտնում է ֆոտոլրագրող Գագիկ Շամշյանը, ժամանել են Արմավիրի և Բաղրամյանի հրշեջ-փրկարարական ջոկատներից 4 մարտական հաշվարկ։
Կրակի դեմ հրշեջների հետ պայքարում են նաև գյուղացիները։

Այս պահին կրակը ու ծուխը տեսանելի են մի քանի հարյուր մետրից, և հրշեջներն ու գյուղացիները պայքարում են կրակի տարածման դեմ։

Կրակի դեմ մեծ դժվարությամբ են աշխատում, քանի որ քամին իր «սև գործն» է անում։

Համայնքային ոստիկանները պարզում են՝ արդյոք անասնագոմում կենդանիներ կան, թե ոչ և աշխատանքներ են տանում նաև անասնագոմի և այրվող անասնակերի տիրոջը հայտնաբերելու ուղղությամբ։

Այս թեմայով Հրդեհ է բռնկվել դեղատներից մեկի պահեստային հատվածում։ Հրդեհ է բռնկվել Զանգեզուրի պղնձամոլիբդենային կոմբինատի պահեստային շինությունում. Փրկարար ծառայություն Ճամբարակ-Թթուջուր հատվածում հրշեջների, կամավորների շնորհիվ կանխվել է կրակի տարածումը դեպի Տավուշի մարզ Հրդեհի բռնկման պատճառը շմոլ գազը չի եղել.Դատարանում «պայթում է» 15 զինվորի ողջ-ողջ այրելու իրական պատճառը «1 ԲԻՍ» աստիճանի հրդեհ՝ Արտաշատում