UFC ՄԱՐՏԻԿ ՆԱՐԵԿ ԱՎԱԳՅԱՆԸ, ԱՄՆ - ՈՒՄ ԿՊԱՅՔԱՐԻ UNF ԱՇԽԱՐՀԻ ՉԵՄՊԻՈՆԱԿԱՆ ԳՈՏՈՒ ՀԱՄԱՐ

Հայազգի պրոֆեսիոնալ մարզիկ, մարզիչ, խառը մենամարտերի /MMA /չեմպիոն, UFC մարտիկ, այժմ օվկիանոսից այն կողմ, հեռավոր ԱՄՆ - ում բնակվող ՆԱՐԵԿ ԱՎԱԳՅԱՆԸ, որոշակի դադարից հետո, հոկտեմբերի 11-ին ԱՄՆ - ում մենամարտ է ունենալու, նա կպայքարի UNF Աշխարհի չեմպիոնական գոտու համար։ Այս մասին, Նարեկը պատմեց Iravunk. com-ի մարզական լրագրողի հետ զրույցում։

- Նարեկ, որն է պատճառը, որոշակի դադարի, ինչու չէիր մասնակցում մենամարտերի։

- Ճիշտն ասած, ես էլ չէի ուզում դադար վերցնել, բայց վնասվածքներ ունեի, ապաքինվեցի ու հիմա շատ լավ մարզավիճակում եմ գտնվում։

- Իսկ ո՞վ է լինելու մրցակիցդ, հասցրել ես արդյոք ուսումնասիրել։

- Մրցակիցս ազգությամբ մեքսիկացի մարզիկ է, շուրջ 2 տարի առաջ ես նրան պարտվել եմ, չեմպիոնական գոտու թեժ պայքարում։ Ես նրա դեմ պայքարելու եմ UNF Աշխարհի չեմպիոնական գոտու համար։

Մենամարտը կկայանա ԱՄՆ Լոս Անջելես քաղաքում հոկտեմբերի 11-ին։ Հանդես կգամ 57 կգ քաշային կարգում։ Ինձ այստեղ օգնում է բոքսի փորձառու մարզիչ, Արթուր Եղիազարյանը ու ես հիմա պատրաստվում եմ Ամերիկյան ակումբում, որը Կալիֆոռնիայում ամենաուժեղ MMA ակումբն է»։    Այստեղ շատ մեծ, հարմարավետ մարզադահլիճներ կան, շատ ուժեղ, փորձառու մարզիկներ։ Նշեմ, որ ես շատ լավ մարզավիճակում եմ հիմա գտնվում, այսպես եղել եմ նաև 5 տարի առաջ։ Պրոֆեսիոնալ ռինգում ունեմ 14 հաղթանակ և 9 պարտություն։ Կալիֆոռնիայի թոփ 20֊ում եմ ։Մեքսիկացի մրցակիցս բավականին ուժեղ, փորձառու մարզիկ է, նա ունի 12 հաղթանակ ու 4 պարտություն։ Իհարկե, ուսումնասիրել եմ։ Իմ անցկացրած վերջին մենամարտը եղել է 2 տարի առաջ։ Ճիշտ է, այժմ ԱՄՆ ֊ում եմ գտնվում, սակայն ժամանակ առ ժամանակ Հայաստան եմ վերադառնում ու երբեք չեմ մոռանում իմ հայրենիքը։ Այստեղ ԱՄՆ ֊ում, զբաղվում եմ նաև մարզչական գործունեությամբ, բազմաթիվ հայ սաներ ունեմ, ինչը շատ ուրախալի է։ Նրանց եմ փոխանցում տարիների ընթացքում կուտակած իմ մարզական փորձը, հմտությունները, գիտելիքները։ Ես ներկայացնում եմ Հայաստանի դրոշը, դա իսկապես մեծ պատիվ է ինձ համար։

- Շնորհակալություն, Նարեկ, մեզ ժամանակ տրամադրելու համար։ Քեզ մաղթում ենք փայլուն հաղթանակ։

- Շատ զգացված եմ ուշադրության համար։ Անխափան գործունեություն Ձեր թերթին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։ Ես գիտեմ՝ ինչպես հաղթել Արման Ծառուկյանին. Մաուրիսիո Ռուֆի