Թմրամիջոց իրացրած 22-ամյա մարտունեցին կալանավորվել է

Քրեական ոստիկանության Գեղարքունիքի մարզային վարչության և Համայնքային ոստիկանության Մարտունու բաժնի ծառայողները համատեղ միջոցառումների արդյունքում սեպտեմբերի 24-ին Սևան-Մարտունի-Գետափ ճանապարհին՝ Ներքին Գետաշեն բնակավայրի վարչական տարածքում ձերբակալել և բաժին են ներկայացրել Ներքին Գետաշեն գյուղի բնակիչ՝ 22-ամյա և Մարտունու բնակիչ՝ 29-ամյա երկու երիտասարդի:

22-ամյա երիտասարդի անձնական խուզարկությամբ հայտնաբերվել է ընդհանուր 5 գրամից ավելի քաշով մեթամֆետամինի զանգվածով ապակյա ծխամորճ: Պարզվել է, որ նա թմրամիջոցը ձեռք է բերել «Տելեգրամ» հավելվածի միջոցով։

29-ամյա երիտասարդի անձնական խուզարկությամբ նույնպես հայտնաբերվել է մեթամֆետամին: Պարզվել է, որ թմրամիջոցը նրան տվել էր 22-ամյա երիտասարդը, որի մի մասը միասին օգտագործել էին:

Նախաձեռնվել է քրեական վարույթ, որի շրջանակում խուզարկություն է կատարվել 22-ամյա երիտասարդի բնակության հասցեում և կից շինությունում։ Հայտնաբերվել են կանեփանման զանգվածով փաթեթներ և կանեփի չորացրած բույսեր:

Ներքին Գետաշեն գյուղի բնակիչ 22-ամյա երիտասարդը կալանավորվել է:

Կատարվում է նախաքննություն:

Այս թեմայով Ժողովուրդ». Թմրանյութ շարողների «մաֆիան» ահաբեկում է գյուղացիներին. ծեծ, խուզարկություն Ավանի համայնքային ոստիկանները թմրամիջոցի 30 փաթեթ են հայտնաբերել Հայտնաբերվել է 318 գրամ մեթամֆետամին Դավթաշենի համայնքային ոստիկանները թմրանյութի իրացման դեպք են կանխել «Տելեգրամ»-ով թմրանյութի վաճառքի հերթական դեպքը. 31-ամա անձը մեծ քանակի «Կրիստալ» է ձեռք բերել՝ մայրաքաղաքի տարբեր հատվածներում տեղադրելու նպատակով