Ալեն Սիմոնյանի հետ կոնֆլիկտի մասին Հայկ Սարգսյանը մանրամասներ է հայտնել

Ալեն Սիմոնյանն իմ նկատմամբ կարգապահական վարույթ սկսելու մասին դիմել է «Քաղաքացիական պայմանագիր» կուսակցության վարչությանը 2025 թվականի մարտի 4–ին։ Հիշեցնեմ՝ այդ օրը ԱԺ–ում քննարկվում էր իմ կողմից շրջանառության մեջ դրված օրենքի նախագծերի փաթեթը, որով նախատեսվում էր երկու անգամ բարձրացնել խաղաղային ոլորտի հարկային բեռը։ Բարեբախտաբար, այդ վարույթը չխանգարեց, և օրենքն ընդունվեց հաջորդ օրը։ Այս մասին լրագրողների հետ զրույցում ասաց ԱԺ ՔՊ–ական պատգամավոր Հայկ Սարգսյանը։

«Սա ինչու եմ ասում, որովհետև ես ուղիղ կապ եմ տեսել, թե ինչու իմ գործընկեր Ալեն Սիմոնյանն իմ նկատմամբ կարգապահական վարույթ հարուցելու դիմումը ներկայացրել է հենց մարտի 4–ին, այլ ոչ այլ օր»,– ասաց Սարգսյանը՝ խնդրելով այլ հարցեր չտալ այս թեմայի վերաբերյալ։

Պատգամավորը նշեց, որ ապրիլին դիմել է Ալեն Սիմոնյանին կարգապահական պատասխանատվության ենթարկելու հարցով, սակայն հարցը չի քննարկվել մինչև սեպտեմբեր ամիսը․ «Կուսակցության հաղորդագրության մեջ տարածված է մի միտք, որ Հայկ Սարգսյանը երկու անգամ հրավիրվել է, սակայն չի ներկայացել իր դիմումի քննության համար։ Դա այդպես չէ։ Կուսակցությանը խնդրել եմ այդ մասը խմբագրել, քանի որ ինձ որևէ մեկը չի հրավիրել»,– ասաց նա։

Իշխանական պատգամավորը կարծիք հայտնեց, որ խաղաղային ոլորտը չարիք է Հայաստանի համար, և ինքը թիրախավորվել է հենց այդ ուղղությամբ իր աշխատանքի պատճառով՝ խաղաղային ոլորտին սպասարկող մարդկանց կողմից։

Այս թեմայով Բրիտանիայում բնակչությանը կոչ են անում պատրաստվել Ռուսաստանի հետ հնարավոր պատերազմին Սիբիրում արթնանում է «քնած հսկան»․ գիտնականները զգուշացնում են գլոբալ վտանգի մասին Գեւորգ Սուջյանը նորություն ունի Զգույշ եղեք համակարգիչների և այլ բարդ տեխնիկայի հետ․ սեպտեմբերի 19-ի աստղագուշակ Սաուդյան Արաբիան պաշտոնապես խոսեց ԱՄՆ-ի դավաճանության մասին