Ալիևը բողոքում է Կասպից ծովի ծանծաղեցումից. Այդ դեպքում ո՞ւր է տանելու «Թրամփի ուղին»

ՄԱԿ-ի Գլխավոր ասամբլեայում Իլհամ Ալիևն իր ելույթի մի մասը նվիրել է Կասպից ծովի ջրի մակարդակի անկման խնդիրներին։ Փորձագիտական գնահատումներով, դապատահական չէ:

Ադրբեջանի նախագահը, Թուրքիայի հետ միասին, փորձում է առաջ մղել Կասպից ծովը խոշոր առևտրային ուղի դարձնելու` դեպի Կենտրոնական Ասիա ելքապահովելու գաղափարը, ասել է արևելագետ Յուրի Մավաշևը։ Նրա խոսքով, խոսքը խոշոր կորպորացիաների մասին է։

«Կասպից ծովի խորության նվազման պատճառով նավագնացության ընկերությունները, այդ թվում՝ ադրբեջանականները, ստիպված են օգտագործել ավելի փոքր բեռնունակությամբ նավեր, ինչը մեծացնում է տրանսպորտային գործողությունների արժեքը», - բացատրել է փորձագետը։ Բացի այդ, փոքր բեռնունակությամբ նավերի զգալի քանակություն պարզապես չկա, որ հնարվոր լինի մասշտաբային բեռնափոխադրումներ իրականացնել: Արդյունքում, որքան ծանծաղում է Կասպից ծովը, այնքան քիչ հեռանկարային է դառնում դեպի Կենտրոնական Ասիա Ռուսաստանը եւ Իրանի շրջանցող լուրջ առեւտրային ուղիների ստեղծումը: Եվ հեռանկարում էլ, բոլոր գիտական գնահատումներով, Կասպից ծովի ծանծաղեցումը շարունակվելու է, այն է` ապագայում բեռնափոխադրումների խնդիրը միայն կսրվի: Այդ պատկերը հաշվի առնելով, նաեւ խոշոր ներդրողներն են նախընտրում հեռու մնալ այդ նախագծից, կարծում է փորձագետը:

Ու, միաժամանակ, այլ փորձագիտական գնահատումներով, միայն Ռուսաստանն ու Իրանն ունեն Կասպից ծովում ռազմածովային ուժեր պահելու թույլատվություն` ըստ մերձկասպյաներկրների միջեւ պայմանավորվածությունների։ Երկու երկրների նավատորմները համալրված են փոքր, քիչ նստվածքով, բայց միանգամայն հզոր զինվածության նավերով, որոնց համար Կասպից ծովի ներկա մակարդակը միանգամայն բավարար է ազատ գործելու համար:

Այդպիսով, մի կողմից, Կասպից ծովում խոշոր բեռնանավերի բացառումը, մյուս կողմից, ռուս-իրանական ռազմական պոտենցյալը բացառում են այս հատվածում դեպի Կենտրոնական Ասիա տանող ամեն մի միջանցքային գաղափար, որի վրա այդքան կենտրոնացած է նաեւ Թուրքիան:

Ի դեպ, սա նաեւ Հայաստանի համար է կարեւորագույն ցուցիչ: Երբ այստեղ առաջ են տանում «Թրամփի ուղու» գաղափարը, որը ներկայացվում է դեպի Կենտրոնական Ասիա հասնող «Միջին միջանցքի» տրամաբանության մեջ, ապա պատկերը, որը կա Կասպից ծովում, միանգամից է բացառում ամեն մի լուրջ նախագիծ նաեւ Հայաստանում` առանց Ռուսաստանի եւ Իրանի ներգրավման:

Այս թեմայով Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան 6 տարի առաջ այս օրը ընկան հազարավոր ՏՂԱՆԵՐ Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Ինչ նոտարական ծառայությունից է օգտվել Արայիկ Հարությունը իրականում. Բաքվի գերությունը հաղթահարած Գեւորգ Սուջյանը փակագծեր է բացում