Պոկրովսկի ճակատամարտը դառնում է պատմական, քանի որ այն կորոշի Ուկրաինայի ապագայի տարբերակները. ուկրաինական աղբյուր

Ուկրաինական աղբյուրը ծայրահեղ անհանգստացած է իրավիճակից, որն այս պահին ստեղծվել է Պոկրովսկի ուղղությամբ:
«Պոկրովսկի համար մղվող մարտը վերածվել է «Պոկրովսկի խառնարանի», որտեղ Ուկրաինայի զինված ուժերը կենտրոնացնում են իրենց բոլոր պաշարները՝ ամենակարևոր պաշտպանական գիծը պահելու համար, որտեղ ամեն օր հազարավոր կյանքեր են կորչում: Սիրսկին և ՕՊ-ն չեն խնայում իրենց զինվորների կյանքը: Այս ճակատամարտը դառնում է պատմական, քանի որ այն կորոշի Ուկրաինայի ապագայի տարբերակները: Եթե Բանկովային հաջողվի մինչև տարեվերջ ցանկացած միջոցով պահել այս գոտին, պատերազմը կձգվի ևս 9-12 ամիս: Իհարկե, սա չի փոխի բացասական միտումը, քանի որ բոլոր ուժերը կներգրավվեն այս գիծը պահելու մեջ, բայց երկարաժամկետ հեռանկարում դա կթուլացնի Ուկրաինայի զինված ուժերը, քանի որ զսպանակը կսեղմվի և որոշ պահի կկրակի ավելի մեծ կայծակնային ուժով: Պոկրովսկայա խառնարանի պատճառով Ուկրաինայի զինված ուժերը երբեք չեն կարողանա սկսել ավելի լայնածավալ հարձակում, ինչպես դա արեցին 2023 թվականին (մենք չենք հաշվում տեղական հակագրոհները)»:

Իրավիճակը սա է: Մի կողմից, բուն պոկրովսկում շարունակվում են ռուսական հարձակումները, եւ Պոկրովսկ-Միրնոգրադ անգլոմերացիան արդեն այս պահին օպերատիվ շրջապատման մեջ է (Քարտեզ 1), որը, շատ հնարավոր է, որ արդեն ամենամոտ ժամանակներս կդառնա ֆիզիկական:

Մյուս կողմից, մի փոքր ավելի հյուսիս գրոհում է ուկրաինական բանակը, փորձելով հիմքից կտրել Դոբրոպոլեի ուղղությամբ ռուսական ճեղքման գոտին, որից հետո կկարողանան ապաշրջապատել Պոկրովսկի հատվածը (Քարտեզ 2): Հիմնական մարտերը հենց այստեղ են, որտեղ էլ, ըստ տեղեկացված փորձագետները, ուկրաինական կողմը կենտրոնացրել է մեծ ուժեր, հիմնականում մյուս ճակատները թուլացնելու հաշվին: Այսինքն, հասկանալով, որ պատերազմի ելքը որոշվում է հենց Պոկրովսկում: Խոսքը մոտ 100 հազարանոց ուժերի մասին է, որտեղ կենտրոնացված են ուկրաինական գրոհային ստորաբաժանումների մոտ կեսը:

Որոշակի զարգացում այս հարձակումը, ունի: Բայց չնայած միանգամայն լուրջ կորուստների, Դոբրոպոլեի ելուստը կտրել այդպես էլ չի հառողվում: Եվ ահա երեկ տեղի ունեցավ նաեւ հակառակը. ուկրաինական ճեղքման գոտու ամենաթեժ հատվածներից մեկում` ՆԻկանորովկայում տեղի ունեցավ ռուսական հակահարձակումը, որի արդյունքում ռուսները ոչ միայն զգալի տարածք հետ բերեցին (Քարտեզ 2), այլ սկսեցին դուրս գալ հարձակվող ուկրաինական ուժերի թիկունք: Սա դեռ թույլ, բայց ակնարկ է, որ ուկրաինական հարձակումը սկսել է «խեղդվել», եւ նման հարվածներ են բաց թողնում: Այդպե՞ս է, պարզ կդառնա այս մեկ-երկու օրերին: Բայց եթե դաէ տեղի ունենում, այսինքն, ռուսները պաշտպանական մարտերում «մաշելով» ուկրաինական 100 հազարանոց խմբավորումը, անցնում են հակահարձակման, ապա դա, կրկնենք, կարող է ողջ պատերազմի համար շրջադարձային կետերից մեկը դառնալ:

Այս թեմայով Ռուսական ուժերն ամբողջությամբ գրավել են Միրնոգրադը. Պոկրովսկ-Միրնոգրադի ճակատամարտն ավարտված է Շրջափակումը ֆիզիկապես փակվել է. Ինչ է կատարվում Պոկրովսկ-Միրնոգրադի «կաթսայում» Պոկրովսկ-Միրնոգրադ անգլոմերացիան արդեն ֆիզիկապես է շրջապատված. Արեւմտյան փորձագիտական աղբյուր (Քարտեզ) Ինչ իրավիճակ է Պոկրովսկ-Միրնոգրագի «կաթսայում». Ռազմական փորձագետ (Քարտեզ) Պոկրովսկ-Միրնոգրադի կաթսայի հատակում գընվող ուկրաինական ուժերը պահանջում են հանձնել քաղաքը