ՈՒԿՐԱԻՆԱԿԱՆ ՊԱՏԵՐԱԶՄԸ ԳՈՆԵ ԱՌԱՋԻԿԱ ԱՄԻՍՆԵՐԻՆ ԿԱՆԳ ՉԻ ԱՌՆԻ

Ի­հար­կե, երբ խո­սում ենք կով­կաս­յան ուղ­ղութ­յամբ ռու­սա­կան քա­ղա­քա­կա­նութ­յան վե­րա­փո­խում­նե­րի մա­սին (Տես նաեւ https://iravunk.com/?p=323756&l=am), ա­պա ան­կախ դրա վե­րա­փոխ­վել-չվե­րա­փոխ­վե­լուց, միշտ էլ կա այն հար­ցը, թե դա ինչ փոխ­հա­րա­բե­րութ­յան մեջ է գտնվում ա­ռա­ջին հեր­թին՝ ա­մե­րիկ­յան կուր­սի հետ: ­Շա­րու­նա­կե­լո՞ւ են եր­բեմ­նի սուր բա­խում­նե­րը, ո­րը միան­գա­մայն ռեալ է, ե­թե Թ­րամփն ի­րոք ցան­կա­նում է այս­տեղ մի­ջանցք սար­քել: ­Թե՞ կպայ­մա­նա­վոր­վեն, եւ այլն: Իսկ այն, թե ուր են գնում ռուս-ա­մե­րիկ­յան հա­րա­բե­րութ­յուն­նե­րը, դեռ մնում են մշու­շոտ, թեեւ այս օ­րե­րին, ՄԱԿ-ի գա­գա­թա­ժո­ղո­վի շրջա­նակ­նե­րում, ո­րո­շա­կի դե­տալ­ներ սկսե­ցին ի հայտ գալ:

­­Նախ, ինչ­պես եւ են­թադ­րե­լի էր, գա­գա­թա­ժո­ղո­վի ա­ռանց­քա­յին դրվագ­նե­րից մե­կը դար­ձավ Թ­րամ­փի եւ ­Զե­լենս­կու հան­դի­պու­մը, ո­րից հե­տո ԱՄՆ նա­խա­գա­հի հռե­տո­րա­բա­նութ­յու­նը վե­րա­դար­ձավ ­Մոսկ­վա­յի նկատ­մամբ սպառ­նա­լիք­նե­րի «հին ու բա­րի» դաշտ: ­Միայն թե, ինչ­պես միշտ է լի­նում Թ­րամ­փի դեպ­քում, այս ան­գամ էլ նրա խոս­քը կա­րող ես մեկ­նա­բա­նել ինչ­պես ու­զե­նաս: Այս­պես, Թ­րամփը սկսե­լով, թե ­Ռու­սաս­տա­նին շատ ա­վե­լի ու­ժեղ եր­կիր էր հա­մա­րում, հա­սավ նրան, թե ըն­դա­մե­նը «թղթե վագր է»: Ա­պա, որ ­Զե­լենս­կին կա­րող է հար­ձակ­վել եւ վե­րա­կանգ­նել 1991թ. սահ­ման­նե­րը, եւ նույ­նիսկ մի բան էլ՝ ա­վե­լի ա­ռաջ գնալ: ­Սա ընդ­հա­նուր ֆոնն էր: ­Միայն թե, դրա տակ մի քա­նի այլ նյո­ւանս­ներ կա­յին: ­Նախ, որ ­Զե­լենս­կին կա­րող է հար­ձակ­վել Եվ­րո­պա­յի օգ­նութ­յամբ, իսկ ԱՄՆ-ն­ ըն­դա­մե­նը զենք կվա­ճա­ռի, ոչ ա­վե­լի: Ընդ ո­րում, ա­վե­լի մեծ հե­ռա­հա­րութ­յան զենք, քան մինչ այժմ տված­նե­րը, Թ­րամ­փի չի պատ­րաստ­վում տալ:

Ու այս­տե­ղից միան­գա­մից պարզ հարց է ա­ռա­ջա­նում. իսկ Եվ­րո­պան կցան­կա­նա՞ կամ կկա­րո­ղա­նա՞ ­Զե­լենս­կուն այն­քան օգ­նել, որ նա կա­րո­ղա­նա ոչ միայն հար­ձակ­ման անց­նել, այլ նաեւ գրա­վել այն ամ­բող­ջը, ո­րը հի­մա ռուս­նե­րի վե­րահս­կո­ղութ­յան տակ է: Այդ թվում՝ Ղ­րի­մը, ­Դո­նեց­կը, Լու­գանս­կը, ո­րոնք այս պա­տե­րազ­մից ա­ռաջ էլ՝ դեռ 2014թ.-ից են ռու­սա­կան վե­րահս­կո­ղութ­յան տակ: Ընդ ո­րում, հաշ­վի առ­նե­լով, որ ­Բայ­դե­նի ժա­մա­նակ­նե­րում ոչ միայն եվ­րո­պա­կան այդ հա­մա­կող­մա­նի օգ­նությ­ու­նը կար եւ ներ­կա­յից ան­հա­մե­մատ շատ, այլ նաեւ բայ­դեն­յան ԱՄՆ-ն­ էր «մին­չեւ վերջ» կանգ­նած ­Զե­լենս­կու կող­քին: ­Բայց այդ ողջ ըն­թաց­քում հար­ձակ­վում էին ռուս­նե­րը, հա­մե­նայն­դեպս, ներ­կա­յումս վե­րահս­կում են շատ ա­վե­լի մեծ տա­րածք­ներ, քան 2022թ­. Ս­տամ­բու­լի պայ­մա­նա­վոր­վա­ծութ­յուն­նե­րի արդ­յուն­քում զոր­քե­րը հետ քա­շե­լուց հե­տո էին վե­րահս­կում: ­Կարճ ա­սած, ա­րեւմտ­յան մասշ­տա­բա­յին օգ­նութ­յան արդ­յուն­քում ռուս­նե­րը, մի­գու­ցե հա­մեստ, մի­գու­ցե ոչ ա­մե­նա­բարձր տեմ­պե­րով, ա­ռաջ էին շարժ­վում: Ընդ ո­րում, այդ փու­լում Ուկ­րաի­նան ու­ներ շատ ա­վե­լի բարձր մո­բի­լի­զա­ցիոն մա­կար­դակ, ա­վե­լի պատ­րաստ­ված զոր­քեր, ա­վե­լի բարձր մար­տու­նա­կութ­յուն, զրնկո­մի­սա­րիատ­նե­րի մոտ հեր­թեր էին, թի­կուն­քում ո­գին եւ պա­տե­րազ­մե­լու պատ­րաս­տա­կա­նութ­յու­նը՝ էա­պես բարձր: ­Հի­մա հա­կա­ռակ պատ­կերն է, ո­րին գու­մար­վել է զանգ­վա­ծա­յին դա­սալ­քութ­յու­նը, որն ան­գամ ուկ­րաի­նա­կան կողմն է բա­ցա­հայտ խոս­տո­վա­նում՝ ամ­սա­կան ներ­կա­յաց­նե­լով դա­սա­լիք­նե­րի ա­վե­լի բարձր ցու­ցա­նիշ, քան մար­տա­կան կո­րուստ­ներն են: Եվ­րո­պա­յում էլ, ա­սենք նաեւ ԱՄՆ-ում ­Զե­լենս­կին եւ ուկ­րաի­նա­կան խնդիրն ըն­դուն­վում էր ա­մե­նա­բարձր ո­գե­ւո­րութ­յամբ, այն դեպ­քում, երբ ՄԱԿ-ի այս գա­գա­թա­ժո­ղո­վում Ուկ­րաի­նա­յի նա­խա­գա­հի ե­լույ­թը գրե­թե դա­տարկ դահ­լի­ճում էր, իսկ եվ­րո­պա­կան հան­րութ­յունն ար­դեն ակն­հայ­տո­րեն զզվել է այս պա­տե­րազ­մից, եւ այն ա­ռաջ է մղում ըն­դա­մե­նը դիր­քերն էա­պես կորց­րած գլո­բա­լիս­տա­կան թե­ւը:

Եվ ա­հա, Թ­րամ­փը այս հիմ­քից ել­նե­լով է ­Զե­լենս­կուն ա­ռա­ջար­կում, դե ի՞նչ կա, հար­ձակ­վիր, գրա­վիր, տես­նենք` ինչ կստաց­վի: Ու նույն բա­նը, ըստ էութ­յան, ա­ռա­ջար­կում է եվ­րագ­լո­բա­լիստ­նե­րին՝ «թղ­թե վագր» է դի­մաց­ներդ, դե գնա­ցեք հաղ­թեք, չմտա­ծեք` ես ձեզ զենք կվա­ճա­ռեմ: Ու այս ամ­բողջ պատ­մութ­յու­նը միան­գա­մից տե­ղա­փոխ­վում է նման հար­թութ­յուն. իսկ ի՞նչ է տե­ղի ու­նե­նա­լու, ե­թե ա­ռա­ջի­կա ա­միս­նե­րին ­Զե­լենս­կին եւ եվ­րագ­լո­բա­լիստ­նե­րը չգնան եւ չգրա­վեն, այլ տե­ղի ու­նե­նա հա­կա­ռա­կը: Ընդ ո­րում, բո­լոր հիմ­քե­րը կան, որ ա­ռա­ջի­կա գո­նե եր­կու-ե­րեք ա­միս­նե­րին ռուս­նե­րը կա­րող են վերց­նել մի շարք ա­ռանց­քա­յին քա­ղաք­ներ՝ դուրս գա­լով միան­գա­մայն նոր բնագ­ծեր ուկ­րաի­նա­կան այն մար­զե­րում, ո­րոնց նկատ­մամբ Ալ­յաս­կա­յի պայ­մա­նա­վոր­վա­ծութ­յու­ննե­րի շրջա­նակ­նե­րում խոսք ան­գամ չկար:

Իսկ այն, որ ԱՄՆ-ն­ իր ներ­կա մո­տե­ցու­մը չի փո­խե­լու, այն է՝ ըն­դա­մե­նը պա­հե­լու է զենք վա­ճա­ռո­ղի իր գոր­ծա­ռույ­թը, իր հեր­թին է ա­մե­նաս­պա­սելի տար­բե­րա­կը: ­Թե­կու­զեւ հաշ­վի առ­նե­լով այն հին ու ա­վե­լա­ցող խնդիր­նե­րը, ո­րոնք կան նե­րա­մե­րիկ­յան դաշ­տում, եւ ո­րոնք Թ­րամ­փին այլ ուղ­ղութ­յու­նե­րով շեղ­վե­լու հնա­րա­վո­րութ­յուն պար­զա­պես չեն տա­լիս:

Ա­հա, այս ի­րա­վի­ճակն էլ ի ցույց է դնում Թ­րամ­փի հի­շա­տակ­ված հայ­տա­րա­րութ­յան ի­րա­կան ի­մաս­տը: Այն է՝ ­Զե­լենս­կին հա­մա­ռո­րեն ու­զում է պա­տե­րազ­մե՞լ, լավ, իր գործն է, թող պա­տե­րազ­մի: Ընդ ո­րում, դա, թե­րեւս, այն սցե­նարն է, ո­րը ցան­կա­լի է նաեւ ­Մոսկ­վա­յի հա­մար: Ուկ­րաի­նա­կան խնդի­րը պետք է այս պա­հին եւ ամ­բող­ջութ­յամբ լու­ծել, եւ դրանով Մոսկ­վան կա­րող է հաս­նել միայն ­Կիե­ւի կա­պի­տուլ­յա­ցիա­յին, այլ ոչ թե բա­նակ­ցա­յին մի­ջոց­նե­րով: ­Կա­րո՞ղ է, դա էլ հար­ցի մյուս մասն է:

Այս­պի­սով, ինչ­պես քա­նիցս են­թադ­րել ենք, այս պա­հին դեռ հան­գու­ցա­լուծ­ման սպա­սել պետք չէ. պա­տե­րազ­մը շա­րու­նակ­վե­լու է: Որ­քա՞ն, դրա պա­տաս­խա­նը կա­րող է տալ ռազ­մա­կան գոր­ծո­ղութ­յուն­նե­րի ըն­թացքն այս ա­շուն-ձմե­ռա­յին ա­միս­նե­րին, ո­րի ըն­թաց­քում ընդ­հուպ չի բա­ցառ­վում, որ ­Կիե­ւը կզրո­յաց­նի իր մո­բի­լի­զա­ցիոն պո­տենց­յա­լը: Իսկ սա նշա­նա­կում է, որ նաեւ ռուս-ա­մե­րիկ­յան հա­րա­բե­րութ­յու­ններում գո­նե ա­ռա­ջի­կա ա­միս­նե­րին` առն­վազն մին­չեւ տա­րե­վերջ հան­գու­ցա­լու­ծում սպա­սել պետք չէ: Այ­սինքն` ա­մեն բան տե­ղա­փոխ­վում է 2026 թվա­կան:

Այս թեմայով «Ահեղ դատաստանի» ձմեռ է գալիս. Ուկրաինական պաշտոնյա Մերցի կուսակցությունը պարզապես չի գոյատևի մինչև «Ռուսաստանի հետ պատերազմը» Ուկրաինական աղբյուրների տարածել են ռուսական «Գերան-5» հրթիռային անօդաչուի թռիչքի եւ թիրախի խոցման կադրերը (Տեսանյութ) Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Ռուսական բանակը կարող է մտնել Զապորոժե այս ձմռանը. Ուկրաինական հրամանատար