Իշխան Սաղաթելյանն ու Լևոն Տեր-Պետրոսյանը շատ նման են միմյանց, հատկապես ինտելեկտուալ մակարդակով. Ռուբինյան
Հասարակություն
Եթե դա է իր տրամաբանությունը, ուրեմն Լևոն Տեր-Պետրոսյանը այդ բանավեճը փակել է ու բացահայտել է բոլոր փաստաթղթերի բովանդակությունը 1997 թվականից սկսած, որովհետև 2012 թվականին Լևոն Տեր-Պետրոսյանը խոսելով Մադրիդյան սկզբունքների մասին ու քննադատելով դրանք, բառացի ասել է, որ Մադրիդյան սկզբունքները նշանակում են միայն մեկ բան, քանի որ Մադրիդյան սկզբունքներում տարածքային ամբողջականության սկզբունքը դրված է ազգերի ինքնորոշման սկզբունքի հետ միասին, այս երկու սկզբունքների միատեղումը կարող է նշանակել միայն մեկ բան՝ Լեռնային Ղարաբաղի ինքնորոշում Ադրբեջանի կազմում, որպես ավտոնոմիա, ինքնավարություն Ադրբեջանի կազմում։ Ի դեպ, ինչ նա ասել է, ճիշտ է ասել։ Այս մասին այսօր՝ սեպտեմբերի 26–ին, ԱԺ–ում լրագրողների հետ զրույցում նշեց ԱԾ փոխխոսնակ Ռուբեն Ռուբինյանը՝ անդրադառնալով նրան, որ վերջերս առաջին նախագահը կոչ էր արել Փաշինյանին հրապարակել 2019–ին եղած բանակցային փաստաթուղթը, դրանից հետո այլևս բանավիճելու թեմա չի լինի։
Ի դեպ, բանավեճի ամբողջ թեման բացվել էր, որ Նիկոլ Փաշինյանը պնդել էր, որ 1994 թվականից սկսած ամբողջ բանակցային գործընթացը եղել է Լեռնային Ղարաբաղը Ադրբեջանի կազմ ընդգրկելու մասին, ինչն էլ պահանջում էր ապացուցել»,–ասաց նա։
Հարցին՝ ինչո՞ւ ԱԳՆ–ն պաշտոնապես չի հրապարակում 2019 թվականին բանակցային սեղանին գտնվող առաջարկը, քիչ առաջ նման պահանջ էր բարձրացնում նաեւ Իշխան Սաղաթելյանը, Ռուբինյանն ասաց. «Իշխան Սաղաթելյանն ու Լևոն Տեր-Պետրոսյանը շատ նման են միմյանց ամեն ինչով, հատկապես ինտելեկտուալ մակարդակով։ Նախ հայտարարվել է, որ որևէ քաղաքական կաշկանդվածություն չկա, բայց այդ փաստաթղթերը միայն Հայաստանի փաստաթղթերը չեն։ Երկրորդը, եթե չեմ սխալվում, վարչապետը ժամանակին նշել է, որ հանձնարարել է ԱԳՆ–ին նախ իմի բերել փաստաթղթերը և գնահատել պատեհությունը դրանք հրապարակելու։ Իրականում 2019 թվականի փաստաթղթերի վերաբերյալ գաղտնիք էլ չկա։ Այդ փաստաթղթերը եղել են Սերժ Սարգսյանի նախագահության ավարտին բանակցային իրավիճակի ամփոփումը։
Բոլոր փաստաթղթերը, որոնք հիմնված են եղել Մադրիդյան սկզբունքների հիման վրա, եղել են հետևյալի մասին, որ հանձնվում են 5 կամ 5+ 2, կամ 7 շրջանները Ադրբեջանին և ուրիշ ոչ մի բան։ Այսինքն Լեռնային Ղարաբաղի կարգավիճակին անդրադարձ չի լինում, իսկ իրականում մադրիդյան սկզբունքներից բխում է, որ դրանից հետո ակնհայտ է այդ կարգավիճակի հետ ինչ էր լինելու, Ադրբեջանի կազմ էր լինելու։ Դա Լևոն Տեր-Պետրոսյանի մեկնաբանությունն է և դա ճիշտ մեկնաբանություն է»։
Ռուբինյանը նկատեց, որ երբևիցե որևէ փաստաթղթում չի եղել այնպիսի ձևակերպում հանրաքվեի մասին, որը նշանակի որ աներկբա է որ հանրաքվեն լինելու է այսպես և այդ հանրաքվեի արդյունքում լինելու է կամ այսպես կամ այնպես։ «Ես կոնկրետ մի փաստաթղթի մասին չեմ ասում, բայց, օրինակ, եղել են ձևակերպումներ, որոնք կարելի է եղել մեկնաբանել որպես հանրաքվե ամբողջ Ադրբեջանի տարածքում, այդ թվում Լեռնային Ղարաբաղում»։
Դիտարկմանը, որ Իշխան Սաղաթելյանը հայտարարել է, որ այդ փաստաթուղթը շատ ավելի շահեկան պայմաններ էր առաջարկում Հայաստանին՝ լուծելու Լեռնային Ղարաբաղի խնդիրը, բայց գործող իշխանությունը դավադրաբար հրաժարվել է, Ռուբինյանն ասաց. «Մենք մեր իշխանության օրոք չենք մերժել Լեռնային Ղարաբաղի հակամարտության կարգավորման որևէ առաջարկ, հետևաբար ամեն ինչ որ ասվում է սրան հակառակ սուտ է»։
Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան
Բրյուսել է՛լ կգնանք, Ստամբուլ է՛լ, Մոսկվա է՛լ, ՀՀ արտաքին քաղաքականությունը չի լինի թույլտվությամբ․ Ռուբինյան
«Խլուրդը դո՛ւք եք, գաղտնիք բացեմ՝ ձեզնից ա ինֆորմացիան եկել»․ Լևոն Քոչարյանը՝ Նիկոլ Փաշինյանին
Նախկին վարչապետի ընտանիքը սգում է
ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով
1
9315 դիտում
2
2251 դիտում
3
2146 դիտում
4
2069 դիտում
5
1936 դիտում
