ԱՄՆ Արդարադատության նախարարությունը դատախազներին խնդրել է պատրաստվել Սորոսի դեմ գործ հարուցելուն

Մի քանի դաշնային դատախազներ ԱՄՆ գլխավոր դատախազի տեղակալ Թոդ Բլանշի գրասենյակից ստացել են հանձնարարական՝ պատրաստվել «Բաց հասարակություն» հիմնադրամի դեմ քննություն սկսելուն։ Այս մասին հայտնել է ABC News հեռուստաալիքը՝ հղում անելով իր աղբյուրներին։

Նշվում է, որ պահանջը ուղարկվել է առնվազն յոթ նահանգների դատախազություններին, այդ թվում՝ Կալիֆորնիա, Իլինոյս, Միչիգան և Մերիլենդ։ Նշվում է նաև, որ նամակում թվարկված են հնարավոր մեղադրանքներ, որոնք դատախազությունը կարող է քննարկել հիմնադրամի գործունեության քննության շրջանակում։ Դրանց թվում են՝ ահաբեկչությանը նյութական աջակցություն ցուցաբերելը և խարդախությունը։

Ավելի վաղ ԱՄՆ նախագահ Դոնալդ Թրամփը հայտարարել էր Սորոսի և նրա որդու նկատմամբ քննություն անցկացնելու մտադրության մասին՝ նրանց երկրի ներսում կազմակերպված բողոքի ակցիաներին առնչվելու պատճառով։ Սպիտակ տան ղեկավարը նաև չէր բացառել, որ Սորոսը կապված է ԱՄՆ-ում արմատական ձախ կազմակերպությունների ֆինանսավորման հետ և կոչ էր արել նրանց պատասխանատվության ենթարկել «հանցավոր կազմակերպությունների մասին» օրենքի համաձայն։ Օրենքը նախատեսում է մինչև 20 տարվա ազատազրկում, ինչպես նաև ֆինանսական պատժամիջոցներ։

Այս թեմայով «Ուկրաինայի ողջ էլիտան ձևավորվել է իմ հիմնադրամի կողմից». Սորոս (Տեսանյութ) Թրամփը կոչ է արել Ջորջ Սորոսին քրեական պատասխանատվության ենթարկել «Վտարել Սորոսի գործակալներին»․ Հունգարիայի վարչապետը 12 պահանջ է ներկայացրել ԵՄ-ին Ռումինիայի նախագահի թեկնածուն խոստացել է արգելել «Սորոսի հիմնադրամը» Ինչ անվան տակ են «նեոժողսորոսականները» շարունակում միլիոններ «քերել». ԲԱՑԱՀԱՅՏՈՒՄ