Կուպյանսկ քաղաքը հիմնականում ռուսական վերահսկողության տակ է. Ուկրաինական բանակի համար մասշտաբային աղետ է հասունացել (Քարտեզ)

Երեկ ՌԴ ՊՆ-ն տեղեկացրեց, որ Խարկովի մարզում, ասենք նաեւ ողջ Ուկրաինայի մաշստաբով առանցքային նշանակություն ունեցող Կուպյանսկ քաղաքը հիմնականում ռուսական վերահսկողության տակ է: Մնում է գրավել Օսկոլ գետի արեւմտյան թեւում քաղաքի հարավային արվարձանները եւ արեւելյան թեւում քաղաքի մի փոքր հատվածը` Կուպյանսը ռուսական ամբողջական վերահսկողության տակ հայտարարելու համար:

Լուրը թերահավատությամբ ընդունեցին ռուսական մի շարք ռազմական փորձագետներ: Ամենաթերահավատնրից մեկը ռազմաքաղաքական հայտնի փորձագետ Պոդոլյակն էր, որի գնահատմամբ, Կուպյանսկի փոքր մասն են միայն ռուսները վերահսկում:

Բայց ահա, ստուգումներից հետո անգամ Պոդոլյակը, ով հիմնականում աչքի է ընկնում հավասարակշռված տեղեկատվությամբ, հաստատեց, որ ՌԴ ՊՆ-ի տվյալները հիմնականում մոտ են իրականությանը: Այն է` Կուպյանսկի գրեթե ամբողջ աջափնյա հատվածը եւ ձախափնյա հատվածի հիմնական մասը ռուսների ձեռքին է (Քարտեզ 2): Ավելին, որ այս հատվածում ուկրաինական կողմի հակագրոհների փորձերը հիմնականում ձախողված են, ռեզերվները` գործնականում սպառված: Արդյունքում, ռուսական ուժերն ակտիվորեն շարունակում են հարձակումը:

Այսպիսով, ամենամոտ օրերը, ամենայն հավանականությամբ, ռուսական կողմը պաշտոնապես կհայտարարի Կուպյանսկի ամբողջական գրավման մասին:

Ավելին, ռուսական ուժերը փաստացի դուրս են եկել Օսկոլի այն հատված, որից հետո գետն էապես լայնանում է, որին գումարվում է հարակից վտակային-ճահճային հատվածը, ինչը ձեւավորվել է Կուպյանսկի մեծ ջրամբարի մոտիկության պատճառով, եւ հիմնականում անանցունակ է: Կան հաշված անցուղիներ, որոնք ռուսական կողմը հեշտությամբ կարող է վերահսկել:

Ընդ որում, գետի այդ հատվածի հարավային, մինչեւ Կուպյանսկի ջրամբայի հյուսիսային մասը եւս ռուսական վերահսկողության տակ է: Իսկ դա նշանակում է, որ արդեն այս պահին Կուպյանսկ-Կրուգլյովկա գծից (Քարտեզ 3) արեւելք ընկած ողջ լայնածավալ հատվածը, ուկրաինական պաշտպանական համակարգերով, մեծ ու փոքր բազում բնակավայրերով հանդերձ օպերատիվ շրջապատման մեջ է: Ավելի կոնկրետ, այս պահին այդ հատվածի մատակարարումների համար ուկրաինական հրամանատարությունը կարող է օգտագործել միայն հիշատակված գետա-ճահճային գոտու եւ Օսկոլ գետի հատուկենտ անցումները, որոնք ռուսական բոլոր կրակային միջոցների խոցման գոտում են: Ընդ որում, այդ հատվածը ռուսները շատ արագ կարող են վերածել նաեւ ֆիզիկական շրջապատման գոտու:

Այս թեմայով Ուկրաինական անօդաչուները խոշոր նավթաբազա են խոցել Կրասնոդարի երկրամասում (Տեսանյութ) Ռուսական ուժերն ավարտում են վելիկոբուռլուկյան ճակատի հյուսիսային մեծ «կաթսայի» մաքրումը (Տեսանյութ, Քարտեզ) Ուկրաինական աղբյուրներ. ռուսները վերադարձել են մշտական հարվածների սխեմային. Կիեւում երկրորդ օրն է, որ հարձակումը շարունակվում է Ռուսական ուժերը Կիեւում խցել են «Ստոլիչնի» խոշոր շուկան (Տեսանյութ) Ռուսական հարվածից հետո Կիևում փլուզվել Սլավուտիչի «Հարավային» կամուրջը