Զինված «ռազբորկա»՝ Նոր Նորքի մանկապարտեզի բակում․ կրակոցներ են հնչել

Մեկ օրում 2 զինված միջադեպ ու կրակոցներ են հնչել Երևանի երկու թաղամասում ու երևանամերձ Փարաքարում։ Փարաքարի սարսափելի սպանության միջադեպից հետո Europmedia24-ին հայտնի դարձավ, որ այս գիշեր նաև Նոր Նորքի 4-րդ զանգվածի №17 մանկապարտեզի բակում է զինված «ռազբորկա» ու կրակոցներ են հնչել՝ դեռևս անհայտ հանգամանքներում։ Վիրավորների վերաբերյալ տեղեկություններ առայժմ չկան։

ՆԳՆ–ից մեզ հետ զրույցում հաստատեցին Նոր Նորքի մանկապարտեզի կրակոցների դեպքի մասին՝ նշելով, որ այս պահին ոստիկանները տեղում աշխատում են։ Դեպքի վայրում հայտնաբերվել են կրակոցների հետքեր, հանգամանքները պարզելու ուղղությամբ աշխատանքներ են տարվում և փորձում են պարզել՝ մարտական զենքից են հնչել կրակոցներ նախակրթարանի տարածքում, թե ոչ։

Ընդգծենք, որ վերջին մեկ շաբաթում Երևանի տարբեր հատվածներում կրակոցներ ու սպանության միջադեպեր են գրանցվել, և խիստ մտահոգիչ է, որ հանցագործները ներխուժել են արդեն մանկապարտեզի տարածք ու անվարան զինված հարաբերություններ են պարզում նախակրթարանի տարածքում։

№107 մանկապարտեզի տարածքում կրակոցների միջադեպը «բեսպրիդել» է։ Զինված ռազբորկաների վիճակագրությունը խոսում է ամենաթողության և ՆԳՆ-ի կանխարգելիչ աշխատանքների բացակայության մասին։

Հասարակության շրջանում վախեր կան ու լուրջ մտահոգություն, քանի որ կրակոցների և զինված հաշվեհարդարների մասին լուրերը գրեթե ամենօրյա բնույթ են կրում։ Սպանություններ՝ օրը ցերեկով, և մարտական զենքեր են հայտնաբերվում մեքենաներում։

Հիշեցնենք, որ սեպտեմբերի 19-ին նույնպես կրակոցներ էին հնչել Երևանում․ կեսգիշերին՝ Ադոնցի 19 հասցեի մոտ, և նույն օրը՝ Երևանի Լենինգրադյան փողոցի փոստի բակում։

Այս թեմայով «Ժողովուրդ». Լենա Նանուշյանի նոր ձախողումների շարքը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Ուկրաինայում դադարեցրել են պայմանագրային զինծառայողներին վճարելը. Ռադայի պատգամավոր ՇՏԱՊ. 36-ամյա գործարարին մահացած են գտել. Հրապարակ Մոսկվայում բենզինի վաճառքի նոր սահմանափակում է մտցվել