Չինաստանի հարավում ավելի քան մեկ միլիոն մարդ է տшրհանվել

Չինաստանի հարավում գտնվող Գուանդուն նահանգում մոտեցող «Ռագասա» կոչված գերհզոր թայֆունի պատճառով տարհանվել է ավելի քան 1 միլիոն 44 հազար մարդ։

«Արմենպրես»-ի հաղորդմամբ՝ ինչպես փոխանցում է ՌԻԱ Նովոստին, այս մասին հայտնում է Չինաստանի կենտրոնական հեռուստատեսությունը։

Ըստ աղբյուրի՝ մարզային իշխանությունները սեպտեմբերի 23-ին հայտարարել են թայֆունի մոտենալու պատճառով արտակարգ իրավիճակների արձագանքման ամենաբարձր մակարդակի մասին, որի արդյունքում դադարեցվել են դպրոցների, բիզնեսների և հասարակական տրանսպորտի գործունեությունը: 

Շենչժեն քաղաքում տարհանվում է ամենախոցելի հատվածներում բնակվող 400 հազար մարդ:

«Գուանդուն նահանգի արտակարգ իրավիճակների կառավարման վարչության տվյալներով՝ սեպտեմբերի 23-ի դրությամբ ամբողջ նահանգում նախապես տարհանվել է 1 մլն 44 հազար 215 մարդ», - հաղորդել է հեռուստաալիքը: 

Գերհզոր թայֆունը, ինչպես սպասվում է, սեպտեմբերի 24-25-ին կհասնի Հայնան կղզուն, Գուանդուն նահանգին, Գուանսի Չժուան ինքնավար շրջանին, Հոնկոնգի և Մակաոյի հատուկ վարչական շրջաններին, ինչպես նաև Յուննան նահանգին: Օդերևութաբանները կանխատեսում են փոթորիկներ, ուժեղ անձրևներ և ջրհեղեղներ:

Այս թեմայով Ամերիկյան գերգաղտնի ռազմական բեռը սխալմամբ ուղարկվել է... Չինաստան Չինաստանի առևտրային հաշվեկշռի դրական մնացորդը հասել է 119 մլրդ դոլարի՝ արտահանման աճի ֆոնին Ո՞ւմ հավատալ՝ Պապոյանի թվերի «հրաշքին», թե՞ Փաշինյանի աղերսագին զանգերին Չինաստանի հազվագյուտ հողային մետաղները սպառնում են եվրոպական արդյունաբերությանը Չինաստանը ներկայացրել է նոր սերնդի միկրոալիքային զենք՝ մինչև 100 ԳՎտ հզորությամբ. Արտակ Զաքարյան