Հայաստան, ինչ որ մեկի համար դու արդեն չորրորդն ես. Ռուբեն Մխիթարյան

Գիտեմ, որ հոգնել ես...

Հոգնել ես քո նշանակովի հարուստներից ու ինքնանշանակ աստղերից: Հոգնել ես քո լռող գիտնականներից ու գոռացող տգետներից: Հոգնել ես քեզ «բուժող» կառավարիչներից և հիվանդացնող «բժիշկներից»: Հոգնել քեզ «փրկողներից»...

Իսկ քեզ ընդամենը պետք է, որ երեխաներդ առողջ ու գրագետ մեծանան, երիտասարդներդ ընտանիք կազմեն ու արժանապատիվ աշխատանք ունենան, տարեցներդ լինեն հոգատարությամբ շրջապատված և չանտեսված:

Քեզ ընդամենը պետք է, որ քեզ այլևս չխաբեն... ու մի քիչ էլ սիրեն: Սիրեն ոչ թե հերթական ու չորրորդի պես....այլ...

Սիրեն միակի պես... Միակ Հայաստանի պես...

Շնորհավոր ծնունդդ, իմ միակ... Իմ եզակի... Իմ Հայաստան»,- գրել է նա: