Ադրբեջանը Հարավային Կովկասում ձեռնարկում է «խաղաղության և կայունության ապահովմանն ուղղված կառուցողական քայլեր». Ալիև

Ադրբեջանի նախագահ Իլհամ Ալիևը հայտարարել է, որ Ադրբեջանը Հարավային Կովկասում ձեռնարկում է «խաղաղության և կայունության ապահովմանն ուղղված կառուցողական քայլեր»։

«Բաքվի անվտանգության ֆորումի» երրորդ նիստին նա նշել է, որ Ադրբեջանի հիմնական նպատակներից է տարածաշրջանում նոր համագործակցային ձևաչափ ստեղծելը, որը հիմնված կլինի փոխադարձ վստահության, անվտանգության և պրագմատիզմի վրա։ «Մենք վստահ ենք, որ այս ուղղությամբ իրականացվող հետևողական քայլերը կնպաստեն հարևան երկրների միջև գործընկերային հարաբերությունների ամրապնդմանը», – նշել է Ալիևը։

Նա հիշեցրել է, որ 2025 թվականի օգոստոսի 8-ին Վաշինգտոնում՝ ԱՄՆ-ի ներկայությամբ, ստորագրվեց Հայաստանի և Ադրբեջանի համատեղ հռչակագիրը, ինչը «կարևոր պատմական քայլ էր երկարամյա հակամարտության դադարեցման և խաղաղ համաձայնագրի կնքման ճանապարհին»։

Ալիևի խոսքով՝ Հարավային Կովկասում լիարժեք խաղաղության հաստատումը նոր հնարավորություններ կբացի ոչ միայն տարածաշրջանի, այլև Կենտրոնական Ասիայի, Մերձավոր Արևելքի և Եվրոպայի համար։ Նա նաև ընդգծել է հատուկ ծառայությունների համագործակցության նշանակությունը միջազգային անվտանգության խնդիրների կանխարգելման գործում։

Այս թեմայով Ալիևը Թրամփին ասել է, որ տարածաշրջանում խաղաղությունն արդեն իրողություն է Ադրբեջանի և Հայաստանի միջև պատերազմը 2025 թվականին քաղաքական առումով ավարտվել է․ Ալիև Հայերը մի ժամանակ պնդում էին, որ Բաքվում թեյ են խմելու.Ալիեւ Եթե որևէ մեկի հիվանդ միտքը երբևէ մտածի Ադրբեջանի դեմ որևէ սադրանք իրականացնել, կարծում եմ՝ նա կզղջա դրա համար.Ալիեւ Պատմության ընթացքում Ադրբեջանը եղել է եզակի վայր, որտեղ միավորվել են տարբեր քաղաքակրթություններ.Ալիեւ