Հայաստանի ապագան այսօր է. Փաշինյան

Սեպտեմբերի 21-ին, Արմավիրում անցկացվող Ֆեստիվալի շրջանակում ՀՀ անկախության 34-րդ տարեդարձին նվիրված ելույթում վարչապետ Նիկոլ Փաշինյանը շնորհավորեց բոլորին Անկախության օրվա առիթով։

«1991-ի այս օրը կայացավ Անկախության հանրաքվեն, և Հայաստանի քաղաքացիների ավելի քան 94 տոկոսը կողմ քվեարկեց անկախությանը՝ ԽՍՀՄ կազմից դուրս գալուն։ Այդ ժամանակից մեր պետությունը անցել է բազմաթիվ փորձությունների միջով, որոնք էականորեն ամրապնդել են մեր ժողովրդի անկախության և պետականության գիտակցումը։ Այդ գիտակցության շնորհիվ ենք հաղթահարել դժվարությունները։ Այս տոնական օրը ես ուզում եմ շնորհակալություն հայտնել բոլոր ՀՀ քաղաքացիներին և նահատակներին՝ անկախության, ազատության ու ինքնիշխանության դիրքերում ամուր կանգնելու համար», – ասաց նա։

Փաշինյանը անկախության ճանապարհը համեմատեց գնացքից ավտոմեքենայի տեղափոխությամբ․ «Անկախություն ձեռք բերելու պրոցեսը նման է գնացքի վագոնից ավտոմեքենայով ճանապարհը շարունակելուն։ Պետությունը նման է մեքենայի, որը ժողովրդին կարող է տանել Ա կետից Բ կետը։ Բայց ինչպես յուրաքանչյուր մեքենա, պետության համար ևս անհրաժեշտ է հոգ տանել վիճակի մասին, ունենալ կարգին փաստաթղթեր և տիրապետել համաշխարհային երթևեկության կանոններին։ Միայն այդպես կարող ենք հասնել ազատության, բարեկեցության, անվտանգության, խաղաղության և երջանկության»։

Փաշինյանի խոսքով՝ Հայաստանը վստահորեն շարժվում է այդ ճանապարհով․ «Մենք չենք միայն երազում ապագայի մասին, մենք ուզում ենք, որ ապագան լինի այսօր։ Եվ ապագան այսօր է»։