Աբովյանում եղբայրների ինքնասպանություն գործով նոր սկանդալային վարկած է շրջանառվում

Աբովյանում վերջերս ինքնասպանություն գործած եղբայրների այդ քայլի հետ կապված նոր վարկած է հայտնվել շրջանառության մեջ:

Ըստ այդ վարկածի, եղբայրներ 52-ամյա Նորիկ Տեր–Աբրահամյանը և 46–ամյա Նեժդիկ Տեր-Աբրահամյանը իրենց պատկանով «Վեստ Էլեկտրոնիկա» խանութի հաճախորդների անձնական տվյալներն օգտագործելով, վարկեր են ձևակերպել բանկերում։

Ինքնասպանության հաջորդ օրը (ընդ որում՝ կիրակի) տարբեր մարդիկ սկսել են SMS-ներ ստանալ բանկերից․ «Խնդրում ենք մարեք ձեր վարկը»։ SMS ստացողները ենթադրում են, որ ինքնսպան եղած եղբայրները իրենց անուններով վարկեր են ձևակերել։ Եղբայրները ինչ-որ շրջան մարել են այդ վարկերը, բայց հետո չեն կարողացել և ինքնասպան են եղել։ Նախնական տվյալներվ, ստացվել է առնվազն12 դիմում բանկային մախինացիաների մասին։ Տուժողները կարծում են, որ եղբայրներն իրենց անձնագրային տվյալները ստացել են էլեկտրոնիկայի խանութի միջոցով, երբ հաճախորդները ապառիկով կենցաղային տեխնիկա են գնել։ Այլ տարբերակով, կեղծ վարկեր են ձևակերպել, օրինակ, գործազուրկ մարդու անունով։ Մեկ այլ դեպքում վարկառու են սարքել Հայաստանից հեռացած հարևանին։ Տուժածների խոսքով, բանկային փաստաթղթերում ակնհայտ կեղծված են իրենց ստորագրությունները, կեղծ հեռախոսահամարներ և էլեկտրոնային փոստի հասցեներ են նշված։

Թե ինչպես է բանկը վարկ տվել նման պայմաններում, ոչ մեկ չգիտի։ Բայց այն, որ հայաստանյան բանկերի հետ կապված մշտապես ապօրինի վարկերի մասին բողոքներ են լինում, հայտնի բան է։

Եթե ընդունենք, որ այս վարկածն է իրականությունը, մեկ է, դա  դեռ լիովին չի բացատրում ինքնասպանության հարցը: Այսինքն,  եղբայրները հասկանալով վիճակի անելանելիությունը, իրե՞նք են կյանքներին վերջ տվել: Միգուցե տուժած քաղաքացիներից մե՞կն է այդպես պատժել նրանց: Վերջապես, նման գործարքներ առանց բանկերում հասկանալի կապերի հնարավոր չէ իրականացնել: Այսինքն, կարելի է նաեւ չբացառել, որ հանցակիցներն  են եղբայրներին «մեջտեղից վերացրել»` հասկանալով, որ խարդախոթյան մեխանիզմը կբացահայտնի, եւ եղբայրները կարող են ամեն ինչ պատմել:

Այս թեմայով Բռնությունը չունի արդարացում, մեղավոր է բռնարարը․ բլոգեր Հայկ Մկրտչյանը անդրադարձել է Մարի Պետրոսյանի սկանդալային միջադեպին Բաքվի դատարանում շարունակվում է կեղծ դատավարությունը ՇՏԱՊ. «ԴՕԿ» կուսակցության շտաբի պետ, հայտնի փաստաբան Լեվոն Բաղդասարյանը բացառիկ հայտարարությամբ է հանդես եկել Միքայել Սրբազանին դեռ չեն վիրահատել «Սարխանի» լրտեսության գործի մանրամասները. «Սալամ, Թուրալ»