Հայկ Սարգսյանին կուսակցությունից հեռացնելու հարց չի քննարկվում. Ալեքսանյան

Պատգամավոր Հայկ Սարգսյանին կուսակցությունից հեռացնելու հարց չի քննարկվում։ Այս մասին այսօր «Քաղաքացիական պայմանագիր» կուսակցության վարչության 7-րդ համագումարից հետո լրագրողների հետ զրույցում ասաց ՔՊ կուսակցության վարչության փոխնախագահ Վահագն Ալեքսանյանը։

Նա, մասնավորապես, նշեց. «Այդ հարցը քննարկվել է կուսակցության վարչությունում, ավելին՝ դուք դրա մասին տեղեկացված եք մեր տարածած մամուլի հաղորդագրությունից։ Նորմալ կուսակցական պրոցես է, իրականում ես վստահ եմ, որ բոլոր կուսակցություններում էլ ինչ-որ միջադեպեր, ինչ-որ դեպքեր, անհամաձայնություններ և հարցեր լինում են։ Ժողովրդավարական կարգերին հարիր կուսակցություններում դրանք լինում են առավել շատ, որովհետև այն, ինչը բնորոշ է քրեաօլիգարխիկ բուրգի կառուցվածք ունեցող կուսակցություններին, բնորոշ չէ ժողովրդավարական կուսակցություններին»։

Ալեքսանյանի խոսքով՝ լինում են դեպքեր, երբ հատվում են կարգապահական բոլոր գծերը, այդ ժամանակ տեղի է ունենում համապատասխան հարցով նիստ, կայացվում է համապատասխան որոշում։

Հիշեցնենք, որ օրեր առաջ ՔՊ կուսակցությունը հաղորդագրությամբ անդրադարձել էր խնդրին՝ նշելով, որ Ալեն Սիմոնյանի նկատմամբ կարգապահական վարույթ հարուցելու հիմքեր չեն եղել, իսկ Հայկ Սարգսյանին հայտարարվել է խիստ նկատողություն։

Այս թեմայով Ucom-ի աջակցությամբ AI տեսախցիկ է տեղադրվել բնության պահպանության համար Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով Մերցի կուսակցությունը պարզապես չի գոյատևի մինչև «Ռուսաստանի հետ պատերազմը» Վիրավոր իմ Հայաստան, դու դեռ ուղղելու ես քո ողնաշարը Մաղթում ենք խաղաղ կյանք և բարգավաճում․ ՀՀ-ում ՌԴ դեսպանությունը շնորհավորել է Հայաստանի ժողովրդին