ԱՄՆ նախագահը Հայաստանը դարձյալ Ալբանիա է անվանել, իսկ Ադրբեջանը՝ «Աբերբայջան»

ԱՄՆ նախագահ Դոնալդ Թրամփը Մեծ Բրիտանիայի վարչապետ Քեյր Սթարմերի հետ համատեղ մամուլի ասուլիսում կրկին Հայաստանը Ալբանիա է անվանել, իսկ Ադրբեջանը՝ «Աբերբայջան»։

«Ուղղակի պատկերացրեք, օրինակ, որ մենք կարգավորեցինք Աբերբայջանի և Ալբանիայի իրավիճակը։ Դա տարիներ էր տևել: Այն երբեք չէր կարող կարգավորվել», - հայտարարել է ԱՄՆ նախագահը։

Հիշեցնենք, որ հենց այսօր ՀՀ վարչապետ Նիկոլ Փաշինյանը հայտարարել է, որ ԱՄՆ նախագահը ուղղել է իր վրիպումները՝ ի պատասխան այն հարցին, թե արդյոք Թրամփը մի քանի անգամ Հայաստանն Ալբանիա է անվանել։

«Յուրաքանչյուր ոք, երկրի ցանկացած ղեկավար ուղղում է իր վրիպումնները, և ԱՄՆ նախագահն արդեն դա արել է «X»-ում իր գրառումով»,- ասել է Փաշինյանը։

Հարցին՝ արդյոք նա ունի՞ ԱՄՆ նախագահի հեռախոսահամարը, ՀՀ վարչապետը պատասխանել է, որ չի կարող հրապարակել իր հեռախոսային կոնտակտների ցանկը։ «Ես կարող եմ հրապարակել SMS հաղորդագրություններ, եթե անհրաժեշտ լինի, բայց կոնտակտների ցանկը չեմ կարող հրապարակել»,- նշել է նա։

Այս թեմայով «Իրավունք». Ով է Վանեցյանի կուսակցությունով առաջադրված Լեվոն Վահրադյանը Իրանի գլխավոր օդանավակայանը շարունակում է լիարժեք գործել՝ չնայած ԱՄՆ պատժամիջոցներին Թրամփը կրկնապատկում է Ուկրաինայում պատերազմին վերջ տալու ջանքերը. Ֆինլանդիայի նախագահը Բրիտանիան կարող է աղետի ենթարկվել, եթե ԱՄՆ-ն արգելի դիզելային վառելիքի արտահանումը. Telegraph ԻՊՀԿ-ն հայտարարեց ԱՄՆ-ի REMUS 600 ստորջրյա անօդաչուի գրավման մասին (Տեսանյութ)