Նա իմ ուսանողն էր, այդ տղային գնել են․Գերաշնորհ Տեր Հովնան եպիսկոպոս Հակոբյանը՝ Տեր Արամ քահանա Ասատրյանի մասին

Հովհաննավանքի հոգևոր հովիվ Տեր Արամ քահանա Ասատրյանը երեկ հարցազրույց էր տվել Հանրային հեռուստաընկերությանը, Հայ առաքելական սուրբ եկեղեցու հոգևոր առաջնորդների մասին ինչ-որ հայտարարություններ արել, անդրադարձել էր նաև Գուգարաց թեմի առաջնորդ Գերաշնորհ Տեր Հովնան եպիսկոպոս Հակոբյանին ու ասել, թե, իբր, Գուգարաց թեմի հոգևորականներն, առանց Հովնան Սրբազանին տեղյակ պահելու, իրավունք չունեն Երևան գալու։

Այս, ինչպես նաեւ իբր Կաթողիկոսի կողմից հոգեւորականներին ցույցեին մասնակցել ստիպելու մասին զրուցել ենք Գերաշնորհ Տեր Հովնան եպիսկոպոս Հակոբյանի հետ, ով նախ անդրադարձավ գործընկերոջ կողմից՝ իրեն ուղղված մեղադրանքներին․

-Նախ ես կդժվարանամ նրան գործընկեր կամ հոգեւորական ասել, վերջինս դարձել է իշխանությունների սրտի հոգեւորականը, եւ ինչ-որ նախագծում են այս տղայի միջոցով հանրայանացնում են։ Վերցրեք նրա գրառումները, համեմատեք իշխանությունների խոսույթների հետ եւ կհասկանաք, թե ովքեր են նրան աշխատեցնում, ինչ գրում-տալիս են, նա դա հանրայնացնում է։ Կարճ ասած, ինքը նոր Մարտին Լյութեր է, իսկ վերջինս հայտնի է պատմության մեջ։ Ինչ վերաբերում է ինձ ուղղված մեղադրանքներին, ապա ասեմ, որ  աշխարհիկ ցանկացած կառույցում, եկեղեցին մի կողմ թողնենք, կարո՞ղ է մեկն իր աշխատավայրը թողնել՝ առանց իր վերադասի արտոնությունը ստանալու։ Սա նշանակում է, որ եթե այդպիսի հաստատություն կա, ուրեմն այնտեղ բարդակ է, իսկ եկեղեցին դարերով սրբագործված ավանդություններ ու կարգուկանոն ունի, ու այս մարդը զարմանում է, որ նման բան կա, այն էլ՝ 21-րդ դարում։

-Ի՞նչ եք կարծում, կարող են Տեր Արամի նման նոր հոգեւորականներ Ձեր շարքերում ի հայտ գան։

-Կարող են, ամեն ինչ էլ կարող է, որովհետեւ իրենք ամեն միջոց օգտագործում են, որ բոլորին իրենցով դարձնեն, եւ այո, կան մի քանի հոգի, որ իրենց շատ վատ պատասխանել եւ գրողի ծոցն են ուղարկել։

-Դուք անձնապես ճանաչո՞ւմ եք Տեր Արամին։

-Եթե չեմ սխալվում նա իմ ուսանողն է եղել, ես իրեն դասավանդել եմ։ Գիտեք հետաքրքիրն այն է, որ այս տղան առհասարակ բողոքելու առիթ չունի, ոչ էլ դրա իրավունքն ուներ։ Կամ ինչ է նշանակում, թե իբր իրեն այսքան տարի ստիպել են, լավ, բա ո՞ւր է մնացել այսքան տարի քո հոգեւորականի քաջությունը, չէ որ ինքը քաջ տղա է։ Հիմա ինչը փոխվեց, որ որոշեց չլռել․․․Կարճ կասեմ այդ տղային գնել են, բայց ինչ էլ անեն, ով էլ լինեն՝ չեն վայելելու։ Ես դիտավորյալ այս բառն ասում եմ, որ այդ տղան խելքի գա, որովհետեւ այս մարդիկ իրեն օգտագործելու են դեն շպրտեն։

-Սրբազան, իսկ փորձե՞լ եք, որպես դասախոս, ավագ ընկեր նրան այդ խորհուրդ տալ հետ կանգնել Կաթողիկոսի դեմ արշավից։

-Ոչ, որովհետեւ ինքը այն մարդը չէ, եթե նրան նման խորհուրդ փորձես տալ, նա միանգամից կգրի, թե իրեն սպառնացին եւ այլն։ Սրանց նպատակը մեկն է՝ եկեղեցին կործանելն է, բողոքական վիճակի բերել։ Այդ տղան բացահայտ ինչ-որ մեկի հանձնարարականն է կատարում այդ ինչ-որ մեկն էլ բոլորիս հայտնի նազարն է։

-Սրբազան, Տեր Արամի անունը շոշափվում է, որպես հաջորդ հնարավոր Կաթողիկոս։

-Իրենք շատ բան կարող են ուզենալ, բայց կարո՞ղ են իրականացնել՝ դա է խնդիրը։ Այ՛ո, պատմության մեջ մի դեպք եղել է, Սահակ Պարթեւին ստիպեցին հեռանալ, ու ի՞նչ եկավ դրանից հետո հայ ժողովրդի գլխին, ինչու դրանից հետո Խորենացին գրեց հայտնի Ողբը։ Իրենք ցանկանում են եկեղեցին նույն կերպ ոչնչացնել, դարձնել հլու-հնազանդ կառույց, նախարարությանը կից մի մարմին, որպեսզի իրենց ուզածով շարժվի եկեղեցին։

Օգտվելով առիթից ուզում եմ մեկ անգամ եւս ասել, եկեղեցին ինքնահաստատվելու վայր չէ, իրենք էլ շատ լավ գիտեն, թե եկեղեցի ասելով ինչ նկատի ունենք մենք։ Եկեղեցին Սուրբ հոգու առաջնորդություն է, իսկ Սուբ հոգու դեմ ոչ ոք դեմ չի կարող լինել։ Եկեղեցու դեմ գնացող բոլորին սպասվում է անփառունակ մահ, որովհետեւ Սուրբ հոգին շատ վատ է պատժում։ 

Այս թեմայով Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք Վեհափառն անսասան է՝ ինչպես անսասան է Արարատ լեռը. Հովնան Սրբազան Գերագույն հոգևոր խորհրդից հեռացվել են Նավասարդ արքեպիսկոպոս Կճոյանը, Գևորգ եպիսկոպոս Սարոյան և Վազգեն արքեպիսկոպոս Միզախանյանը Միհրան Հակոբյանին ծեծած տղամարդիկ «Թոխմախի Մհերի» դստեր մեքենայով տեղափոխվել են Սեդրակյանի գազալցակայան. բացառիկ մանրամասներ Լեւոն Թոքմանջյանը քանդակել է այնպես, ինչպես տեսել է. Աննա Հակոբյան