Վրաստանն ամբողջությամբ մարել է Ռուսաստանին ունեցած պարտքը

Թբիլիսին ամբողջությամբ մարել է Մոսկվային ունեցած արտաքին պարտքը։

«Արմենպրես»-ի փոխանցմամբ՝ այս մասին հաղորդում է «ՌԻԱ Նովոստի»-ն՝ վկայակոչելով Վրաստանի ֆինանսների նախարարության տվյալները:

Փետրվարին Ռուսաստանին ունեցած պարտքը 7 միլիոն 870 հազար դոլարից նվազել է մինչև 3 միլիոն 997 հազար դոլար։ Այս ցուցանիշը պարտքերի սյունակում պահպանվել է փետրվարից մինչև օգոստոս։

Օգոստոսի դրությամբ այնտեղ գծիկ է դրված եղել։BMG բիզնես գործակալության տվյալներով՝ այս պարտքը կուտակվել էր Վրաստանի անկախության առաջին տարիներին և վերակառուցվել էր 2004 թվականի հուլիսին՝ Թբիլիսիի վարկատուների և Փարիզի ակումբի միջև ստորագրված համաձայնագրի համապատասխան։

Այս միջոցների գումարը կազմել է 160 միլիոն դոլար, որը Վրաստանը վերցրել էր մինչև 1999 թվականը. տոկոսներ, որոնք 1999 թվականից մինչև 2004 թվականի մայիսը կուտակվել էին պարտքերի վրա, և պարտք, որը պետք է մարվեր 2004-ից մինչև 2006 թվականները։

Ընդհանուր գումարը գերազանցել է 225 միլիոն դոլարը։Վրաստանի ֆինանսական գերատեսչության տվյալներով՝ Ռուսաստանից բացի Թբիլիսին ամբողջությամբ մարել է նաև Հայաստանին, Իրանին, Թուրքիային, Ադրբեջանին և Ղազախստանին ունեցած երկարամյա պարտքերը։

Ֆինանսների նախարարությունը հավելել է, որ Վրաստանի պետական ​​պարտքի չափը օգոստոսի արդյունքներով կազմել է ավելի քան 10 միլիարդ դոլար։

Երկիրն ամենից շատ պարտք է Ֆրանսիային՝ ավելի քան 850 միլիոն դոլար։

Այս թեմայով Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Գիշեր ցերեկը կհավասարվեն Զելենսկին կրկին ցանկանում է «հաղթել Ռուսաստանին 40 օրում» 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան