Հայաստանում մսի և մակարոնեղենի գներն աճել են, ձվինն ու կարտոֆիլինը՝ նվազել

Հայաստանում սպառողական շուկայում գներն օգոստոսին նախորդ տարվա նույն ժամանակահատվածի նկատմամբ, աճել են 3.6 տոկոսով, իսկ այս տարվա նախորդ ամսվա՝ հուլիսի նկատմամբ՝ 0.2 տոկոսով: 

«Արմենպրես»-ի փոխանցմամբ՝ այս մասին են վկայում Վիճակագրական կոմիտեի հրապարակած ցուցանիշները: 

Սննդամթերքի և ոչ ալկոհոլային խմիչքների գներն օգոստոսին նախորդ տարվա օգոստոսի նկատմամբ ավելացել են 4.9 տոկոսով, իսկ այս տարվա հուլիսի նկատմամբ մնացել են անփոփոխ: 

Միայն սննդամթերքի գներն օգոստոսին 2024-ի նույն ժամանակահատվածի նկատմամբ աճել են 4.5 տոկոսով, իսկ այս տարվա նախորդ ամսվա՝ հուլիսի նկատմամբ, նվազել են 0.1 տոկոսով:

Մասնավորապես, հացի գներն այս տարվա օգոստոսին նախորդ տարվա օգոստոսի նկատմամբ աճել են են 5.1 տոկոսով, մակարոնեղենի գները՝ 6.1 տոկոսով, բրնձինը՝ 0.7 տոկոսով: Մսի գինն ավելացել է 3.4 տոկոսով: 

Ձկան և ծովամթերքի գներն օգոստոսին նախորդ տարվա օգոստոսի նկատմամբ աճել են 20.9 տոկոսով: 

Ձվի գինը նվազել է 5.8 տոկոսով, կարագինը բարձրացել է 12.8 տոկոսով: Կարտոֆիլի գինը օգոստոսին 2024-ի նույն ժամանակահատվածի համեմատ նվազել է 8.7 տոկոսով, շաքարի գինը՝ 7.5 տոկոսով: Մրգերի գներն աճել են 11.6 տոկոսով:

Ինչ վերաբերում է սուրճին, ապա Հայաստանում գներն ավելացել են 13.5 տոկոսով, թեյի գները՝ 1.9 տոկոսով:

Ալկոհոլային խմիչքների գներն օգոստոսին նախորդ տարվա օգոստոսի նկատմամբ ավելացել են 4.2 տոկոսով:

Այս թեմայով 2026 թ. հունվարին ՀՀ-ում բազմաթիվ ապրանքախմբերում գնաճ է արձանագրվել. վիճակագրություն Ժամանակը հաշված է և ամեն ամիս կարող է բերել նոր գնաճ. Հայտնի տեղեկատվական անվտանգության մասնագետը զգուշացնում է 2025թ. օգոստոսին ՀՀ-ում գրանցել է սննդամթերքի և ոչ ալկոհոլային խմիչքի 4.9% գնաճ 2025-ի հունվար-օգոստոսին Հայաստանում սպառողական գների ինդեքսն աճել է 3․2%-ով Հայաստանում արձանագրվել է 3.9% գնաճ