Երևանում բացվել է 44-օրյա պատերազմում զոհված Ալբերտ Հովհաննիսյանի տուն-թանգարանը

Սեպտեմբերի 15-ը, Արցախյան 44-օրյա ահաբեկչական պատերազմի անմահ հերոս ԱԼԲԵՐՏ ԱՐՏԱԿԻ ՀՈՎՀԱՆՆԻՍՅԱՆԻ ծննդյան օրն է, նա կդառնար 24 տարեկան։ Եռաբլուր զինվորական պանթեոն են այցելել հարազատներ, ընկերներ, ընտանիքին մոտ կանգնած բարեկամներ եվ ծաղիկներ խոնարհել ու խնկարկել։

 

Հերոսի հայրը, Արտակ Հովհաննիսյանը, Iravunk. com -ի հետ զրույցում խորը ցավը սրտում նշեց.

 

Թանգարանը հերոս որդուս պատմությունը կենդանի պահելու, հերոսության մասին բարձրաձայնելու և ապացուցելու մասին է, որ 1 քաջի պայքարը կարող է ուժ տալ ու ամրացնել ողջ ազգի ոգին։ Սեպտեմբերի 16֊ից արդեն թանգարանը բաց կլինի բոլոր այցելուների առաջ»։

 

Միջոցառմանը, ընտանիքին մոտ կանգնած ընկերներն ու բարեկամները ստացան շնորհակալագրեր, ովքեր այս տարիներին գտնվել են Ալբերտի ընտանիքի կողքին։ Բեմադրվել էր ներկայացում, որը մեծ հուզմունք առաջացրեց ներկաներին։

 

 

Ալբերտ Հովհաննիսյանը ծնվել է 2001 թվականի այս օրը սեպտեմբերի 15-ին, Երևանում։ 2007֊2012թթ. սովորել է Երևանի Հակոբ Պարոնյանի անվան թիվ 59 միջնակարգ դպրոցում։

2019֊ին ընդունվել է Հայ ֊ռուսական համալսարանի քաղաքագիտության ֆակուլտետը։ 2020֊ի հունվարի 13֊ին զորակոչվել է Հայոց բանակ, եղել է կրտսեր սերժանտ։ Արժանացել է 2 շքանշանի ՊՆ հրետանու 3֊րդ դասային կարգի մասնագետի ու հրետանավորի, զոհվել է հերոսաբար հայ ֊ադրբեջանական պատերազմում 2020֊ի հոկտեմբերի 8֊ին։ Պատերազմի թեժ օրերին, Ալբերտի լուսանկարն հայտնի էր դարձել բոլորին։ Արժանացել է Արիության համար և «Արցախի հերոս» բարձրագույն կոչման։

 

Իր ֆեյսբուքյան էջում հերոսի հայրը՝ Արտակ Հովհաննիսյանը, անդրադարձել է օրվա խորհրդանիշին եվ նշել․

«Չնայած բազում խոչընդոտներին ու չարակամ մարդկանց՝ մենք հաղթահարեցինք ամենը։ Այս ամենը հնարավոր դարձավ սիրով, համառությամբ և մեր միասնական ուժով»,- նշել է նա։

 

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

 

Տեսանյութը` Ա. Հակոբյանի