Ռուսական արվեստի թանգարանը նոր ցուցադրությամբ

«ՏՈՒՆ՝ ԱՆՁՆԱԿԱՆ ՏԻԵԶԵՐՔ». ՓԻԼԻՍՈՓԱՅՈՒԹՅՈՒՆ Եւ ՄՇԱԿՈՒՅԹ

Երեւանի Ռուսական արվեստի թանգարանում տեղի ունեցավ «Հարյուրավոր զանգեր վիճում էին» գրական-երաժշտական երեկոն: Երեկոյին ներկա էին  Ռուսաստանի դեսպան Սերգեյ Պավլովիչ Կոպիրկինը, մշակութային գործիչներ եւ ռուսական պոեզիա սիրող հասարակություն:
«Հարյուրավոր զանգեր վիճում էին» գրական-երաժշտական երեկոն նվիրված էր Մարինա Ցվետաեւայի կյանքին եւ ստեղծագործությանը:
Բեմից հնչել են Ցվետաեւայի բանաստեղծությունները՝ Աննա Միքայելյանի կատարմամբ եւ միջազգային մրցույթների դափնեկիր Տիգրան Պետրոսյանի դաշնամուրային նվագակցությամբ։
Ս.Պ.Կոպիրկինը շնորհակալություն է հայտնել արտիստներին եւ կազմակերպիչներին հրաշալի երեկոյի համար, ինչպես նաեւ ծանոթացել թանգարանի նոր ցուցահանդեսին։

«Իրավունք»-ը զրուցել է Ռուսական արվեստի թանգարանի ղեկավար՝ Մարինե Մկրտչյանի հետ:

—Ինչպե՞ս անցավ Մարինա Ցվետաեւայի կյանքին եւ ստեղծագործությանը նվիրված գրական-երաժշտական երեկոն՝ «Հարյուրավոր զանգեր վիճում էին» խորագրով, որին ներկա էր Ռուսաստանի դեսպան Ս.Պ.Կոպիրկինը:

—«Ռուսական արվեստի թանգարան»-ը, Մոսկվայի օրվան նվիրված, կազմակերպեց «Հարյուրավոր զանգեր վիճում էին» գրական-երաժշտական երեկոն: Մենք ավանդույթ ենք դարձրել եւ հաճախ ենք կազմակերպում երեկոներ, որտեղ ասմունքող Աննա Միքայելյանը ներկայացնում է ռուս պոեզիայի ներկայացուցիչներին՝ նրանց կյանքն ու գործունեությունները: Երեկոյին ներկա էր Ռուսաստանի դեսպան Սերգեյ Պավլովիչ Կոպիրկինը, ինչի առիթով մենք շատ ուրախ էինք: Պետք է նշեմ, որ մեր գրե-թե բոլոր նմանատիպ երեկոներին դեսպանը ներկա է լինում:

— «Ռուսական արվեստի թանգարան»-ում քանի՞ ռուս ստեղծագործողի նկարներ կան այս պահին:

—Այս պահին թանգարանում կա 350-ից ավելի նկարներ, ռուսական կերպարվեստի գործեր: Թանգարանում, հիմնականում ներկայացված են ռուս հեղինակների ստեղծագործություններ:

—Ի՞նչ նոր ծրագրեր կան առջեւում:

—Սեպտեմբերի 24-ին «Ռուսական արվեստի թանգարան»-ը կբացի նոր ցուցահանդես՝ «Տուն՝ անձնական տիեզերք» խորագրով, որտեղ բնանկարչության ժանրի միջոցով կներկայացվի տարբեր երկրկների տները, տան խորհուրդը, նրա փիլիսոփայությունը, եւ թե ինչպիսին է տան մշակույթը տարբեր ազգությունների մոտ: Կներկայացվեն բնանկարչական աշխատանքներ, որտեղ տան նկարներ կլինեն ներկայացված:    

ՆԱՆԱ ՍԱՐԳՍՅԱՆ

Այս թեմայով Ուկրաինական աղբյուրների տարածել են ռուսական «Գերան-5» հրթիռային անօդաչուի թռիչքի եւ թիրախի խոցման կադրերը (Տեսանյութ) Ռուսական բանակը խորը ճեղքումով է իրականացրել Վելիկիյ Բուռլուկի հյուսիսային թեւում Թրամփը կրկին պահանջել է, որ Զելենսկին դադարեցնի ռուսական նավթավերամշակման գործարաններին հարվածները. Axios Ռուսական բանակը կարող է մտնել Զապորոժե այս ձմռանը. Ուկրաինական հրամանատար Ուկրաինայի պողպատաձուլական արդյունաբերությունը կանգ է առել ռուսական հարվածներից հետո. FT