Եթե քո անվտանգության ապահովման թիվ մեկ գործիքը բանակն է՝ դա նշանակում է, որ չունես անվտանգություն․ Փաշինյան

Հայաստանի Հանրապետության բանակը ՀՀ միջազգայնորեն ճանաչված տարածքից դուրս անելիք չունի և բանակի խնդիրը ՀՀ միջազգայնորեն ճանաչված տարածքի պաշտպանությունն ապահովելն է։ Սա է լեգիտիմության ռազմավարությունը բանակի դեպքում և պարագայում։ Եվ այս ռազամավարությունը 2–3 տարվա ընթացքում տվել է շատ կոնկրետ, աներևակայելի արդյունքներ։ Այս մասին անվտանգային թեմայով համաժողովի ժամանակ հայտարարել է վարչապետ Նիկոլ Փաշինյանը:

Նրա խոսքով՝ Հայաստանի սպառազինության ձեռքբերման շուկաները նախկինում խիստ սահմանափակ էին, իսկ հիմա անսահմանափակ են։

«Ինչո՞ւ են այդ սահմանափակումները վերացել․ լեգիտիմության ռազմավարության պատճառով։ Որովհետև որևէ մի երկիր մեզ հետ ռազմատեխնիկական ոլորտում համագործակցություն սկսել–չսկսելու հարցում չունի մտավախություն, որ այդ սպառազինությունը կարող է օգտագործվել ոչ լեգիտիմ նպատակով։ Որևէ մեկը չի կարող վիճարկել ՀՀ ինքնիշխան միջազգայնորեն ճանաչված տարածքը պաշտպանելու իրավունքը»,– ասել է վարչապետը։

Փաշինյանը հայտարարել է, թե նախկինում բանակը մեզ համար եղել է անվտանգության առաջին բնագիծ և միջոց․ «Ցավոք, մենք հետո հասկացանք, որ եթե քո անվտանգության ապահովման թիվ մեկ գործիքը բանակն է, դա նշանակում է, որ չունես անվտանգություն»,– ասել է նա՝ պնդելով, որ այդ դեպքում անվտանգությունը բացակայում է կատարելապես։ 

Փաշինյանի համոզմամբ՝ բանակը պետք է նույնիսկ անվտանգության 2–րդ, 3–րդ ․․․ 6–րդ գործիքը չլինի, այն պետք է լինի անվտանգության վերջին գործիքը։

Այս թեմայով Տիրադավների կարապի պարը Նախընտրական բենզին՝ ադրբեջանական բույրով ՔՊ նախընտրական ցուցակում հայտնվելու են հայտնի նախկին-ներկաներ. ԲԱՄԲԱՍԱՆՔ Կոֆե դնողների իշխանությունը Հայաստանը խժռում է իր զավակներին. Պետերբուրգում Փաշինյանի հետ հանդիպումն ընթացել է գերլարված