Ռուսական «Իսկանդերները» վախեցրին Լեհաստանին՝ հայտնվելով սահմանին (Տեսանյութ)

 

Մինչ այս օրերին Լեհաստանն ակտիվորեն զորք ու զենք է կուտակում իր սահմաններին` կապված «ռուսական դրոնների» աղմուկ հանած պատմության հետ, լեհական սոցիալական ցանցերում ակտիվորեն տարածվեց մի տեսանյութ, որն ուղեկցվում է խուճապի հասնող մեկնաբանություններով:

Տեսանհոթում ռուսական «Իսկանդեր»-ներն են Կալինինգրադի մարզում` լեհական սահմանների հարեւանությամբ: Ռուսական արձակման կայանքները շարված են իարր մոտ շարքով` ցուցադրելով համազարկի իմիտացիա կամ զորախաղ։

Լեհ մեկնաբանները զանգվածաբար հետաքրքրվում են, թե ինչու են հրթիռները տեղադրված այդքան մոտ և «ինչ է սա նշանակում» Լեհաստանի անվտանգության համար։ Այդ հարցի պատասխանն էլ լեհ օգտանտներին հասցնում է խուճապի, աչքի առաջ ունենալով նաեւ քարտեզագրումը (տես ստորեւ), որը հիշեցնում է, որ Լեհաստանի ողջ տարածքը խոցելի է միջուկային լիցք կրելու ունակ «Իսկանդեր»-ների համար: «Պատկերացնո՞ւմ եք, թե այդ մի քանի արձակող կայանքների համազարկից մեկ-երկու րոպե անց ինչ կարող է լինել Լեհաստանի հետ: Դրանից հետո հաստատ Լեհաստան չի մնա, ինչ ուժեր էլ, որ եվրոպացիներն այս պահին բերում են եւ ինչ բազաներ էլ, որ ՆԱՏՕ-ն այստեղ ունի: Ի՞նչ եք կարծում, ԱՄՆ-ն կպատասխանի՞ այդ համազարկից հետո` իրեն դնելով շատ ավելի մասշտաբային համազարկ ընդունելու պատասխան հարվածի տակ... Ու հիմա որեւէ մեկը կբացատրի՞, թե ինչի համար են նման սրացման հասել Մոսկվայի հետ` խաղաթղթի դնլով մեր երկրի լինել-չլինելը»,- մեկնաբանել է լեհական փորձագետներից մեկը: