Հիմա ոչ մի հանրաքվե չի լինի․ ՀՀ նախագահ

Առհասարակ, իշխանությունները Սահմանադրությունը ցանկանում էին փոխել մինչև այս բոլոր իրադարձությունները: Ես նկատի ունեմ 2018 թվականից հետո եկած իշխանությունները: RTVI Новости-ին տված հարցազրույցում հայտարարել է ՀՀ նախագահ Վահագն Խաչատուրյանը:

«Դրա մասին խոսք է բացվել հենց անմիջապես դրանից հետո, և նույնիսկ ստեղծվել է հանձնաժողով: Մարդիկ սկսել են աշխատել, քննարկել: Դա կապված չէ խաղաղության պայմանագրի հետ: Առանց դրա մենք պարզապես պետք է փոխեինք Սահմանադրությունը, քանի որ այն Սահմանադրությունը, որով հիմա աշխատում ենք, ստեղծվել է մեկ անձի գաղափարի հիման վրա՝ վարչապետ, որը պետք է լիներ վարչապետ»,- շեշտելով, որ խոսքը ՀՀ երրորդ նախագահ Սերժ Սարգսյանի մասին է:

Ըստ նրա՝ ՀՀ այս Սահմանադրության մեջ խախտվել է իշխանության կառուցվածքների հավասարակշռությունը, և դրանից ելնելով այն պետք է փոխվեր:

ՀՀ նախագահը պարզաբանել է, որ Սահմանադրությունը մինչև օրս չի փոփոխվել դրան հաջորդող իրադարձությունների պատճառով:

«Որովհետև 2020 թվականին պատերազմ էր, այնուհետև՝ տեղի ունեցած իրադարձությունները։ Այսինքն՝ ժամանակ չի եղել։ 2021 թվականին արտահերթ ընտրություններ էին։

Դա չի վերաբերում Ալիևի պահանջներին»,- նշել Խաչատուրյանը։

Միևնույն ժամանակ, ՀՀ նախագահն ընդգծել է, որ գործող Սահմանադրությունը չի խոչընդոտում Ադրբեջանի հետ խաղաղության պայմանագրի ստորագրմանը։

Նա հիշեցրել է, որ ՀՀ Սահմանադրական դատարանը ևս նմանատիպ եզրակացության է հանգել։

ՀՀ նախագահը հավելել է, որ կոնկրետ այս պահին Սահմանադրության վերաբերյալ ոչ մի հանրաքվե չի լինի։

«Ոչ մի հանրաքվե հիմա չի լինի։ Մենք հիմա գնում ենք դեպի ընտրություններ։

Հաջորդ տարի՝ հունիսին մեզ մոտ ընտրություններ են անցկացվելու»,- նշել է նա։

Վահագն Խաչատուրյանը հավելել է, որ Հայաստանը կհամոզի Ադրբեջանին, որ Սահմանադրությունը խաղաղության պայմանագրի ստորագրմանը չի խոչընդոտում։

Այս թեմայով Վահագն Ալեքսանյանի խոսքով՝ հաջորդ նկատողությունից հետո Հայկ Սարգսյանը, ենթադրաբար, ՔՊ-ից կհեռացվի ՇՏԱՊ. ՀՀ նախագահ անճանաչելիորեն փոխվել է. ՖՈՏՈ Դատարանը կարող է հրաժարվել գործը քննելուց միայն օրենքով նախատեսված հիմքով, բայց չի կարող հրաժարվել արդարադատություն իրականացնելուց Շնորհակալ եմ յուրաքանչյուրիդ՝ չլռելու, անհանգստանալու, աջակցելու և մեր կողքին լինելու համար․ Չախալյան Չախալյանի խափանման միջոցը փոխվեց