Իսկ երբ է «թափանցիկ» գործելու Փաշինյան Նիկոլը

Նիկոլ Փաշինյանը կառավարության հետ հարցուպատասխանի ժամանակ Ազգային ժողովի ամբիոնից ցուցումներ էր տալիս եկեղեցուն, թե պետք է եկեղեցու դեմ հանդես եկող, բայց ինքն իրեն հալածյալ հռչակած Տեր Արամ քահանա Ասատրյանի դեպքը հանրային կերպով քննվի, եւ հանրությունը պետք է մանրամասն իմանա՝ ինչ զանցանքի համար է նա կարգալույծ լինում։

«Կարծում եմ` Տեր Արամի արձանագրումները պարտադիր են դարձնում, որ նրա հրապարակումներում առկա հարցերի վերաբերյալ Մայր Աթոռը հանդես գա հրապարակային պարզաբանմամբ, եւ եթե քննություն է տեղի ունենալու, այդ քննությունը թող տեղի ունենա հրապարակային, որտեղ հնչեն հարցեր, պատասխաններ, որպեսզի Հայաստանյայց Առաքելական Եկեղեցու հետևորդները թափանցիկ ձեւով իմանան՝ ինչ է կատարվում, ով է ճիշտ ասում, ով է սուտ ասում»,- նշել է նա:

Թողնենք այն հանգամանքը, որ Մայր Աթոռն այս քահանայի վերաբերյալ ոչ մի պաշտոնական հաղորդագրություն չի տարածել» եւ անգամ ոչ մի հոգեւորական չի նշել, որ Տեր Արամին ուզում են կարգալույծ անել, այլ խոսենք նրա մասին, թե Փաշինյանը, որն sms-ով, հանրային միջոցներով պաշտոնյաներին ազատում էր աշխատանքից, ինչո՞ւ նման թափանցիկ միջոցներ չէր կիրառում։ Կամ այս թափանցիկ գործելաոճով ինչո՞ւ Փաշինյանը օրենքի պահանջով պատշաճ չի պարզաբանում, թե ինչու, օրինակ, պատերազմի ժամանակ ազատեց ԱԱԾ տնօրենին, իսկ հետո նշանակված նաեւ մյուս ԱԱԾ տնօրեն Քարամյանին։

Այդ ի՞նչ թափանցիկության մասին է խոսում մի ղեկավար, ով հանրային կերպով ասում է, թե ինքն է իշխանությունը։ Այդ ինչպե՞ս է, որ եկեղեցական իշխանությունն իր լիազորություններով առաջնորդվելիս պետք է հետեւի վարչապետի ցուցումներին, իսկ վերջինս, որ օրենքով պետք է բաց ներկայացնի իր կադրային քաղաքականությունը, դա չի իրականցնում։ Կամ ինչպե՞ս է լինում, որ Փաշինյանն ասում է, թե չկա մի մարմին, որ ունենա իր դիրքորոշումից անկախ դիրքորոշում, սակայն եկեղեցու ինչ-որ քահանա կարող է հադես գալ Մայր Աթոռից անկախ այլ դիրքորոշումներով ու մնա անպատիժ։

Ստացում է, որ Փաշինյանը եկեղեցու մեջ հրահրում է անկարգություններ, եւ որ ավելի վատ է, խրախուսում է պառակտումները՝ ծպտված հոգեւոր կերպարի տակ։ Բայց Եկեղեցու կարգերը ո՛չ Փաշինյանն է սահմանել, ո՛չ էլ ինքը այնտեղ անելիքներ ունի: Հետեւապես, լավ կլինի, որ վերջինս զբաղվի իր գործով եւ հանրության թիկունքում նոր դավադրություններ չիրականացնի։

ՀՐԱՆՏ ՍԱՐԱՖՅԱՆ

Այս թեմայով Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան Գեներալ, մի նեղացեք հայրենիքից, մի հրաժարվեք Հայաստանից. Հայտնի փաստաբանը դիմել ԽՍՀՄ գեներալին Զերծ մնալ եկեղեցական կյանքի պառակտիչ միջամտություններից․ Մայր Աթոռը վերստին կոչ է ուղղում պատկան պետական մարմիններին Ո՞ւր են կարգալույծ սրբապիղծին հսկող ոստիկաններն ու մյուս ապստամբողները․ Տեր Մանուկ