Հայաստանի ռուսական համայնքի 70-80 տոկոսը՝ շուրջ 3000 հոգի, մոլոկաններ են

Հայաստանի ռուսական համայնքի 70-80 տոկոսը՝ շուրջ 3000 հոգի, մոլոկաններ են։ Մոլոկանները Ռուսաստանից Հայաստան են աքսորվել իրենց կրոնական համոզմունքների պատճառով, ցարական իշխանության օրոք 19-րդ դարի կեսերին։ Կենսական ծանր պայմանները չեն ընկճել այս համայնքին։ Նրանք մնացել են Հայաստանում ու հարմարվել։ Այսօր մոլոկանների յոթերորդ սերունդն է ապրում Հայաստանում,-անդրադառնալով Հայաստանում ռուսական համայնքի առանձնահատկություններին, ասաց Ֆիոլետովո համայնքի ղեկավար Ալեքսեյ Չիչովը, նկատելով, որ ՀՀ-ու  ազգային փոքրամասնությունները ունեն լեզվակրթական խնդիրներ, բայց ռուսական համայնքում դրան առավել մեղմ են արտահայտված.

– Հայաստանի ազգային փոքրամասնություններն իսկապես ունեն լեզվակրթական խնդիրներ, բայց ռուսական համայնքում դրանք անհամեմատ մեղմ են արտահայտված։ Համահավաք բնակավայրերում, ինչպիսիք Լոռու մարզի Լերմոնտովո և Ֆիոլետովո գյուղերն են, դպրոցական ծրագիրն ամբողջությամբ ռուսերեն է:Կարևոր իրողություն է նաև, որ բոլոր հայկական դպրոցներում ռուսաց լեզու է դասավանդվում: Կարելի է ասել՝ ընդհանուր առմամբ Հայաստանում ռուսազգի բնակչության մայրենիի պահպանությունը բարվոք վիճակում է։ Ռադիոն ու հեռուստատեսությունը ռուսերենով հաղորդումների ժամ ունեն։ Ռուսական թատրոն կա։ Կինոթատրոններն էլ շատ հաճախ ռուսերեն ֆիլմեր են ցուցադրում։ Գրախանութներում, գրադարաններում ռուսալեզու գրականության պակաս չկա։ Մենք լեզվական առումով մշակութային խնդիր չունենք։ Դա ամենևին չի նշանակում, թե անելիք չկա։ Անելիք շատ կա, բայց հիմնականում վիճակը բարվոք է։

Այս թեմայով Պուտինը առաջարկել է Փաշինյանին քննարկել Հայաստանի սահմանները բացող նոր երթուղիների ստեղծումը Կցանկանայի շնորհակալություն հայտնել Ձեզ Հայաստանի և Ադրբեջանի միջև խաղաղության գործընթացին Ձեր աջակցության համար.Փաշինյան «Բլոկադա»․ արցախյան ճակատագիրը բեմում Իլհամ Ալիևը չի մասնակցի ԱՊՀ երկրների ղեկավարների ոչ ֆորմալ հանդիպմանը Ադրբեջանական բենզինի թաքնված ականները. Մեկնաբանում են տնտեսագետները