Ի՞նչ պատմություն է Տեր Արամը պատմել Աննա Հակոբյանին

1109Hrant-3

Ի՞ՆՉ ՊԱՏՄՈՒԹՅՈՒՆ Է ՏԵՐ ԱՐԱՄԸ ՊԱՏՄԵԼ ԱՆՆԱ ՀԱԿՈԲՅԱՆԻՆ

Ամիսներ շարունակ Մայր Աթոռի մի շարք հոգեւորականների դեմ դուրս եկած փաշինյանական կլանը, վերջապես կարողացավ օտար ու տաք երկրներում հանգիստ ծվարած, կարգալույծ հոգեւորականների փոխարեն, գեթ 1 գործող հոգեւորական գտնել, որը կխոսեր Կաթողիկոսի եւ Մայր Աթոռի այլ բարձրաստիճան հոգեւորականների դեմ։

Դա եղավ նորաթուխ, անփորձ Տեր Արամ քահանա Ասատրյանը՝ Սուրբ Հովհանավանք վանական համալիրի հոգեւոր հովիվը։ Այս անձը 2-3 լղոզված գրառումներ է հրապարակել, առանց անուններ նշելու, պախարակելով, Մայր Աթոռի բարձրաստիճան հոգեւորականներին, խոսելով այն բաների մասին, որոնց վերաբերյալ իրականում, իր սակավաթիվ ծառայողական տարիներն ու ստանձնած հոգեւոր աստիճանն ունեցող մեկը, ո՛չ պատկերացում ունի, ո՛չ էլ կարող էր ունենալ։

Օրերս էլ նա եկեղեցում ելույթ է ունեցել, անդրադառնալով Հովհանավանքում տեղի ունեցած, իր եւ վարչապետի տիկին Աննա Հակոբյանի հանդիպմանը, ակնարկելով, որ այդ հանդիպման ժամանակ, նա ոչ թե «ծախվել է» այլ ներկայացրել է Հովհանավանքի հազարամյա պատմությունը…

Եվ հարց է ծագում, այդ ի՞նչ պատմություն է Տեր Արամը պատմել, Աննա Հակոբյանին ու պատրաստ պատմել նաեւ Ալիեւին։

Պատմել է՞ արդյոք նրա մասին, որ Հովհանավանքը մի շարք այլ վանական համալիրների հետ միասին, այսօր կոնֆլիկտային իրավիճակ ունի վարչապետական կլանի որոշումների հետ, որ այստեղ կա հնագիտական պեղումների, չափագումների եւ այլ համատեղ աշխատանքների կարիք։

Պատմել է՞ արդյոք, որ իր օրոք, վերջին տարիներին, Հովհանավանքի միաբանների հազարամյա գերեզմանն ավիրվում ու պղծվում է, որ կողքի տան սեփականատերը տեղահան է անում սրբերի գերեզմանաքարերն ու քայլ առ քայլ յուրացնում հողը, կցելով իր այգուն, ինչպես պնդում են տեղի աղբյուրները:

Պատմել է՞ պատմությունը, թե՞ զեկուցել է, իր օրոք կատարվող ջարդարարությունների եւ վայրագությունների մասին։ Այստեղ են ասում, նախ քո աչքից գերա՛նը հանիր եւ այդ ժամանակ կտեսնես, թե ինչպե՛ս եղբորդ աչքից շյուղը հանես։ Մի՛ դատիր, որ չդատվես. որովհետեւ ինչ դատաստանով որ դատես, նրանով պիտի դատվես։ 

Այս թեմայով Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան Ստեփան Ասատրյանը ստո՞ւմ է. թամադան տեսանյութ է հրապարակել Գեներալ, մի նեղացեք հայրենիքից, մի հրաժարվեք Հայաստանից. Հայտնի փաստաբանը դիմել ԽՍՀՄ գեներալին Զերծ մնալ եկեղեցական կյանքի պառակտիչ միջամտություններից․ Մայր Աթոռը վերստին կոչ է ուղղում պատկան պետական մարմիններին