«ԱՆԱՌԻԿ ՊԱՀԵԼՈՎ ՕՄԱՐԻ ԴԻՐՔԸ, ԱՆՄԱՀԱՑԵԼ Է ՀԵՐՈՍԱԲԱՐ ՈՒ ԴԱՐՁԵԼ ՀԱՎԵՐԺԻ ՃԱՄՓՈՐԴ». ԱՆՄԱՀ ՀԵՐՈՍ ՏԱՐՈՆ ՀԱԿՈԲՅԱՆ

2020 թվականի Արցախյան 44-օրյա ահաբեկչական պատերազմի ժամանակ ցավոք կորցրեցինք հազարավոր լուսավոր երիտասարդների, նրանցից մեկն էլ ՏԱՐՈՆ ՀԱԿՈԲԻ ՀԱԿՈԲՅԱՆՆ էր։

Այսօր, սեպտեմբերի 9-ը նրա ծննդյան օրն է, կդառնար 38 տարեկան։ Անմահ հերոսի շիրիմին են այցելել հարազատներ, ընկերներ, համագյուղացիներ, ծաղիկներ խոնարհել ու խնկարկել։ Անմահ հերոսի բարեկամուհին Iravunk. com -ի հետ զրույցում նշեց.

«Տարոնը ծնվել է 1987 թվականի այս օրը սեպտեմբերի 9-ին, Կոտայքի մարզի Արամուս գյուղում, գերազանցությամբ ավարտել է գյուղի միջնակարգ դպրոցը։ Շատ խելացի, ընկերասեր երիտասարդը սիրված էր յուրաքանչյուր միջավայրում, ակտիվ էր էր, սիրում էր սպորտով զբաղվել, հաճախում էր կարատեի, նվաճել է բազմաթիվ մեդալներ։ Դպրոցն ավարտելուց հետո ընդունվել և սովորել է Խաչատուր Աբովյանի անվան հայկական պետական մանկավարժական համալսարանի տուրիզմի բաժնում և ավարտել գերազանցության դիպլոմով։ 2009֊ին զորակոչվել է ծառայության, երբեք չի դժգոհել։ 2011֊ին ավարտել է ծառայությունը և որոշ ժամանակ բնակվել Եվրոպայում։ Շատ էր սիրում ճամփորդել։ 2014֊ին հայրենիքի կարոտը Տարոնին բերեց Հայաստան, նա համալրեց ՀՀ ԶՈւ Խաղաղապահ ստորաբաժանման շարքերը։ Իմանալով Արցախյան 44֊օրյա պատերազմի սկսվելու բոթը, նա առանց վարանելու մեկնել է Արցախ պաշտպանելու հայրենիքը, ընկերների հետ թեժ մարտերի է մասնակցել Քարվաճառում, վերջին անգամ զանգել է տանեցիներին սեպտեմբերի 29֊ին։ Եռօրյա թեժ մարտերից հետո, անառիկ պահելով Օմարի դիրքը անմահացել է հերոսաբար ու դարձել հավերժի ճամփորդ։ Հետմահու արժանացել է «Մարտական ծառայության» մեդալի։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ, ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ... ՀԱՎԵՐԺ ՓԱՌՔ ՄԵՐ ԲՈԼՈՐ ՀԵՐՈՍՆԵՐԻՆ։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։ Ես գիտեմ՝ ինչպես հաղթել Արման Ծառուկյանին. Մաուրիսիո Ռուֆի