Երևանի ամեն 45-րդ բնակիչը օնկոլոգիական հիվանդություն ունի. Մանուկ Սուքիասյան

«Մի կողմից խստացնում եք, մյուս կողմից արտոնություն եք տալիս՝ ասելով, թե Կառուցապատողների ասոցիացիան է դիմել»,-Երևանի ավագանու նիստում ունեցած ելույթի ժամանակ ասաց «Մայր Հայաստան» խմբակցության ղեկավար Մանուկ Սուքիասյանը՝ անդրադառնալով խոշոր կառուցապատողներին գույքահարկի արտոնություն տալու մասին որոշմանը։

Արձագանքելով հիմնավորմանը, թե ճգնաժամ կա և տները քիչ են վաճառվում՝ Սուքիասյանը հակադարձեց, որ ժամանակին չպետք է տրվեր այդ ծավալի շինթույլտվությունները։

«Ձեզ ո՞վ էր թույլ տվել գույքահարկն այդքան բարձրացնել, ես շինարարներին չեմ մեղադրում, նրանց կարելի է հասկանալ։ Ով էր խնդրում գույքահարկը այդքան բարձրացնել։ Նիկոլ Փաշինյանը մտել էր կենտրոնում ապրողների գրպանները, հաշվում էր, եթե կենտրոնում տուն ունես, կա՛մ գույքահարկ տու, կա՛մ տունդ ծախի, գնա գյուղում կամ ծայրամասում ապրի։ Կարա՞ք նույն բանը կառուցապատողներին ասեք, չեք կարող»,-ասաց Մանուկ Սուքիասյանը։

Նա նշեց, որ վերջին վիճակագրական գնահատականով Երևանի ամեն 45-րդ բնակիչը օնկոլոգիական հիվանդություն ունի։

«Որովհետև 2 տարվա շինթույլտվությունը դուք հանգիստ երկարաձգում եք 3-4 տարի, ինչ ա եղել, որ, մեկ է այդ փոշին դուք չեք շնչում՝ ստերիլ կաբինետներում նստած, օդորակիչը միացրած»,- ասաց ավագանու ընդդիմադիր անդամը։

Այս թեմայով ՀՀ-ում պահանջարկ ունեցող օնկոլոգիական դեղերի մեծ մասը գրանցված չէ. Ահազանգ Մարգարիտա Սիմոնյանի և Տիգրան Քեոսայանի երեխայի մոտ անբուժելի հիվանդություն է հայտնաբերվել Հինը մահանում է. Մոտենում է կարևոր իրադարձություն ՇՈՒՏՈՎ «ԲԺՇԿԻ ՄՈՏ». Անոթային հիվանդություն է, որն ի հայտ է գալիս «աստղիկների», «օձերի», դեմքի շրջանում՝ մազանոթային ցանցի տեսքով Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք