«Ստիպված եմ դիմել Արթուր Հովհաննիսյանի մայրիկին․ ձեր որդուն բացատրեք, որ չի՛ կարելի կնոջ մասին այդպիսի բառապաշարով խոսել»․ Թագուհի Թովմասյան

ԱԺ պատգամավոր Թագուհի Թովմասյանն արձագանքել է իր հասցեին ՔՊ-կան Արթուր Հովհաննիսյանի արած անպարկեշտ արտահայտություններին։ Թովմասյանը ֆեյսբուքյան իր էջում, մասնավորապես,  գրել է․

«ԱԺ ՔՊ խմբակցության քարտուղար Արթուր Հովհաննիսյանի դաստիարակությամբ զբաղվելու ժամանակն արդեն վաղուց անցել է։ Բայց ես ստիպված եմ դիմել իր մայրիկին․

տիկի՛ն Հովհաննիսյան, նստե՛ք ձեր որդու հետ և բացատրեք, որ չի՛ կարելի կնոջ մասին այդպիսի բառապաշարով ու բովանդակությամբ խոսել։ Հասկացրե՛ք նրան, որ ընտանիք ունեցող մարդու համար դա անպատվություն է։ Որպես մայր արեք դա...

Իսկ թմրանյութի գործով անցած Արթուր Հովհաննիսյանի մասին՝ միայն հետևյալը. նա ոչ միայն քաղաքական մշակույթի բացակայության մարմնավորումն է, այլ նաև՝ անպատասխանատվության։

Դատարաններում բազմիցս ապացուցվել է, որ նա դատավճռով հաստատված զրպարտիչ է։ Եվ ես վստահեցնում եմ՝ իր հնչեցրած ամեն ստի համար նա պատասխան է տալու։ Իրենով կզբաղվեն իրավաբանները։

Ես Հյուսիսային պողոտայում տուն չունեմ։

Ես 4 տուն չունեմ: Ինչ ունեմ, հայտարարագրված է, տասնյակ տարիներ առաջ հիփոթեքով գնված:

Նրա տարածած ստերը պետք է դադարեն թունավորել հասարակական դաշտը։

Խորհրդարանը պիտի ազատ լինի խուլիգանությունից, ստից և անհիմն մեղադրանքներից»։

Այս թեմայով Արեւմուտքը Զելենսկուն դրել է փաստի առաջ` կա´մ «Անգլիայի թագուհի» կա´մ` Մայդան. Կիևյան քաղտոխնոլոգ «Ժողովուրդը սա՛ է ուզում իրականում՝ ոչ թե՝ «Արա՜, վայ-վա՜յ․․․» Ովքեր են ՔՊ ցուցակի առաջին 50 հոգին .ՑԱՆԿ Խմբագրությունները հայտնվում են ֆինանսական եւ համացանցային ագրեսիվ ճնշման տակ. Թովմասյան Հայաստանում գտնվող եկեղեցիները միայն ծայրահեղ դեպքերում պետք է հնարավոր լինի վաճառել կամ օտարել. Թագուհի Ղազարյան