Թրամփը նորից Ռուսաստանին սպառնում է, բայց պատրաստվում է զանգել Պուտինին

Թրամփը հայտարարում է, որ կարող է անցնել Ռուսաստանի նկատմամբ պատժամիջոցների երկրորդ փուլի՝ Ուկրաինային հասցված երեկվա ծանր հարվածների պատճառով:

Նրա մեկնաբանությունները ենթադրում են, որ նա մոտ է Ուկրաինայի պատերազմի պատճառով Մոսկվայի կամ նրա նավթ գնորդների նկատմամբ պատժամիջոցները խստացնելուն, հաղորդում է Reuters-ը։
Թրամփը բազմիցս սպառնացել է Մոսկվային նոր պատժամիջոցներով, բայց հետաձգել է դրանք կիրառելը, քանի դեռ բանակցությունները շարունակվում են։ Նրա վերջին մեկնաբանությունները ենթադրում են, որ նրա դիրքորոշումը գնալով ավելի ագրեսիվ է դառնում, սակայն Թրամփը չի ասել, թե ինչ կարող է ենթադրել երկրորդ փուլը։

Այս անգամ եւս Թրամփը պատժամիջոցների թեման թողեց անորոշ` հայտնելով, որ երկուշաբթի կամ երեքշաբթի «եվրոպացի առաջնորդները» կժամանեն ԱՄՆ՝ քննարկելու Ուկրաինայի հարցը: «Գիտեք, Եվրոպա, որոշ եվրոպական առաջնորդներ երկուշաբթի կամ երեքշաբթի օրը անհատապես կմեկնեն մեր երկիր, և կարծում եմ, որ մենք կլուծենք այդ հարցը: Կարծում եմ՝ մենք կլուծենք այդ հարցը: Մենք պետք է դա անենք»:

Բացի այդ, ըստ Թրամփի, նա նախատեսում է հաջորդ մի քանի օրերին խոսել Պուտինի հետ։ «Դե, կտեսնենք: Այսինքն՝ մենք շատ հետաքրքիր քննարկումներ ենք ունենում»,- ասում է նա: 
Երկու հարցերի պատասխաններում Թրամփը չորս անգամ կրկնել է, որ խնդիրը կլուծվի (կկարգավորվի), հինգ անգամ կրկնել է, որ դժգոհ է իրավիճակից, և ևս մեկ անգամ հայտարարել է, որ արդեն դադարեցրել է յոթ պատերազմ:

Այս թեմայով Թրամփը կրկնապատկում է Ուկրաինայում պատերազմին վերջ տալու ջանքերը. Ֆինլանդիայի նախագահը Թրամփ. Ռուսաստանը և Ուկրաինան կարող են համաձայնության գալ մինչև ձմեռ Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Պարզվում է, որ Թրամփը եւս վախենում է «Զելենսկու անեծքից» (Տեսանյութ) Թրամփը Սի Ցզինպինի այցն ԱՄՆ շատ արդյունավետ է համարում (Տեսանյութ)