Խոցվել է ուկրաինական կառավարության շենքը. Լուրը հաստատում է վարչապետը (Ֆոտո)

Ուկրաինայի վարչապետ Յուլիա Սվիրիդենկոն հաստատեց լուրը (Տես նաեւ https://iravunk.com/?p=322138&l=am), որ այս գիշերվա ռուսական հարձակման ժամանակ խոցվել է նաեւ Նախարարների կաբինետի, այն է` Ուկրաինայի կառավարության շենքը։

«Առաջին անգամ թշնամու հարձակման հետևանքով վնասվել է կառավարական շենք՝ տանիքը և վերին հարկերը վնասվել են։ Փրկարարները մարում են հրդեհը։ Շնորհակալություն նրանց աշխատանքի համար»,- գրել է Ուկրաինայի կառավարության ղեկավարը։

Նա նաև հրապարակել է լուսանկար Նախարարների կաբինետի ներսից, որտեղ դռներն ու պատուհանները կոտրվել են, լարերը կախված են, և հրշեջները աշխատում են։

Բացի այդ, գիշերը հաջող հարվածներ են հասցվել Կրեմենչուկի երկաթուղային կամրջի և նավթավերամշակման գործարանի վրա: Կամուրջը մասամբ ավերված է։

Այսպիսով, ռուսներն առաջին անգամ հարվածում են ուկրաինական «որոշումների կայացման կենտրոնի»: Հարվածը, իհարկե, շատ ծանր չէ. անօդաչուի խոցում, այլ ոչ թե հրթիռի: Այսինքն, սա ավելի շատ նախազգուշական տեսք ունի. «որոշումների կայացման կենտրոններին» ուղղված խոցումները կարող են շարունակվել եւ հզորանալ:

Նկատենք, որ  այսօր առաջին անգամ ռուսները հարված հասցրեցին Դնեպրով անցնող կամրջի: Սա եւս շատ լուրջ զգուշացում է. եթե բոլոր կամուրջները կամ գոնե երեք հիմնականները ոչնչացվեն, Դնեպրի ողջ արեւելյան գոտին կդառնա դատապարտված:

Երեկ Զելենսկին բավականին ցինիկ տոնով Պուտինին կանչում էր Կիեւ` խոսելու: Սրանք, անշուշտ, դրա պատասխանն են:

Տես նաեւ https://t.me/iravunk/57401 

Այս թեմայով Ուկրաինական անօդաչուները խոշոր նավթաբազա են խոցել Կրասնոդարի երկրամասում (Տեսանյութ) Ուկրաինական աղբյուրներ. ռուսները վերադարձել են մշտական հարվածների սխեմային. Կիեւում երկրորդ օրն է, որ հարձակումը շարունակվում է Ուկրաինական աղբյուրները հայտնում են Կիևում շատ հզոր պայթյունի մասին Կիևում գրեթե բոլոր ուկրաինական հեռուստաալիքները փակվել են Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն