Կրամատորս-Սլավյանսկ անգլոմերացիա տանող գրեթե բոլոր հիմնական ուղիները ռուսական մշտական հարվածների տակ են

Երեկ ուկրաինական ռեսուրսները հաստատել էին, որ Դոնբասի հյուսիսային հիմնական ուղիներիցմեկը` Իզյում-Սլավյանսկ մայրուղին գտնվում է ռուսական անօդաչու թռչող սարքերի մշտական ​​ճնշման տակ։

Ուկրաինական այլ ռազմական աղբյուրներ, զարգացնելով թեման, հայտնում են, որ ոչ միայն Իզյում-Սկավյանսկը, այլ, առհասարակ, Կրամատորս-Սլավյանսկ անգլոմերացիա տանող գրեթե բոլոր հիմնական ուղիներն այս պահին ռուսական մշտական հարվածների տակ են:

Այդ թվում` Կրամատորսկից արեյմուտք տանող երկու հիմնական մայրուղիները, որոնք հարվածի տակ հայտնվեցի Դոբրոպոլեի ուղղությամբ ռուսական աղմուկ հանած ճեղքումից հետո (Քարտեզում): «Եթե այդ ճեղքումը խորանա, որին ռուսներն ակնհայտորեն պատրաստվում են, եթե արդեն պատրաստ չեն, ապա այդ մայրուղիները նաեւ ֆիզիկապես կտրելու լուրջ վտանգ կա»,- գրում է ուկրաինական փորձագետը:

Ուկրաինայի զինված ուժերի համար Կրամատորսկի ագլոմերացիայի արևելյան հատված տանող ամենաապահով լոգիստիկ ուղին մնում է Սլավյանսկից արեւմուտք տանող` Բիբլասովկայի ճանապարհը (մայրուղի եւ երկաթուղի: Սակայն դրա թողունակությունը փոքր է Կրամատորս-Սլավյանսկ անգլոմերացիա, եւ այստեղից սնվող մյուս ուղղությունները, այդ թվում` Դրուժովկա-Կոնստանտինովկայի ուղղության պահանջները բավարարելու համար: Ընդ որում, այդ ծանրաբեռնվածությունը կտրում կմեծանա, եթե ռուսները փակեն նաւե  Լիմանի ուղիները (Տես նաեւ https://iravunk.com/?p=322112&l=am):

Սրանից զատ, ռուսների մշտական հարվածների տակ են նաեւ Սլավյանսկի ու Կրամատորսկի լոգիստիկ համակարգը, եւ երեկ գիշեր հերթական հարվածը հասցվեց Սլավյանսկի երկաթուղային կայարանին (ստորեւ լուսանկարում), որին հաջորդեց համանման հարված Կրամատորսկում: 

Այս թեմայով Ռուսական ուժերն ավարտում են վելիկոբուռլուկյան ճակատի հյուսիսային մեծ «կաթսայի» մաքրումը (Տեսանյութ, Քարտեզ) Ուկրաինական աղբյուրներ. ռուսները վերադարձել են մշտական հարվածների սխեմային. Կիեւում երկրորդ օրն է, որ հարձակումը շարունակվում է Ռուսական ուժերը Կիեւում խցել են «Ստոլիչնի» խոշոր շուկան (Տեսանյութ) Ռուսական հարվածից հետո Կիևում փլուզվել Սլավուտիչի «Հարավային» կամուրջը ՌԴ ՊՆ․ ռուսական ուժերը վերահսկողության տակ են վերցրել Խրիպունին