Հայաստանի ազգային հավաքականում լինելն ինձ այլ հույզեր է պարգևում. Սպերցյան

Հայաստանի հավաքականի կիսապաշտպան Էդուարդ Սպերցյանը Պորտուգալիայի հավաքականի դեմ ԱԱ-2026-ի որակավորման փուլի հանդիպմանը նախորդած ասուլիսի ընթացքում խոսել է առաջիկա խաղի մասին:

«Թիմում հրաշալի մթնոլորտ է: Լավ ենք ճանաչում մարզչին, գիտենք, որ նա խաղացել է ազգային հավաքականում: Նա շատ խստապահանջ մարզիչ է և ունի իր սկզբունքները: Վերջին օրերին առավելագույն ուժերն ենք ներդրել, որպեսզի պատրաստ լինենք առաջիկա խաղին: Ֆիզիկապես և հոգեպես լավ վիճակում եմ, տա՜ Աստված, որ օգնեմ հավաքականին: Յուրաքանչյուր հրավեր հավաքականից ինձ համար մեծ պատիվ է: Այստեղ լինելն այլ հույզեր է պարգևում:

Պորտուգալիայի հավաքականը լավագույններից է աշխարհում. պետք է կարգապահություն դրսևորենք՝ հաջող ելույթ ունենալու համար»,- ասել է Սպերցյանը:

Աշխարհի 2026 թվականի առաջնության եվրոպական գոտու ընտրական մրցաշարի F խմբի առաջին տուրի Հայաստան - Պորտուգալիա խաղը տեղի կունենա սեպտեմբերի 6-ին Երևանի` Վազգեն Սարգսյանի անվան «Հանրապետական» ստադիոնում, ժամը 20:00-ին։

Այս թեմայով «Հրապարակ»․ Էդուարդ Թոփչյանը եւ կինը` իրավապահների ուշադրության կենտրոնում «Ալ Ահլի» նոր մարզիչը լավ գիտի Սպերցյանին, ամեն ինչ լավ կստացվի. Մուսաև Նորեկ, որը դառնում է թիմի հենասյունը. Արաբական մամուլը հիացած է Սպերցյանի խաղով Սպերցյանը հերթական գոլն է գրանցել իր հաշվին (տեսանյութ) Բավորությամբ և պրոֆեսիոնալիզմով Սպերցյանը շատ նման է Հենրիխ Մխիթարյանին. Մելիքյան