Աշխատանք փնտրող անձինք հնարավորություն ունեն առցանց եղանակով հաշվառվել

Աշխատանք փնտրող անձինք հնարավորություն ունեն առցանց եղանակով հաշվառվել և ստանալ մասնագիտական կողմնորոշման, աշխատանքի տեղավորման և զբաղվածության ոլորտին առնչվող մի շարք ծառայություններ: Այս մասին տեղեկացնում են ՀՀ աշխատանքի և սոցիալական հարցերի նախարարությունից։

Հաշվառման գործընթացն իրականացվում է e-work.am հարթակի միջոցով՝ ինքնաշխատ եղանակով, որից հետո աշխատանք փնտրողը կարող է ստանալ անհրաժեշտ ծառայություններ Միասնական սոցիալական ծառայության տարածքային կենտրոնից։

Գործատուները ևս կարող են գրանցվել հարթակում, ինչը հնարավորություն կտա ներգրավվել զբաղվածության պետական ծրագրերում և համալրել առկա թափուր աշխատատեղերը։ Այսպիսով՝ աշխատանք փնտրողը կարող է գտնել աշխատանք, իսկ գործատուն՝ համալրել իր մոտ առկա թափուր հաստիքը:

Հարթակի միջոցով իրականացվում է աշխատանք փնտրող անձի և գործատուի նույնականացում՝ տվյալների տարբեր շտեմարանների փոխգործելիության միջոցով․ անձի կամ գործատուի համաձայնությամբ նաև կապահովվի նրանց վերաբերյալ արդեն իսկ առկա տեղեկատվության հասանելիությունը տարածքային կենտրոնի մասնագետին։

Այս թեմայով Հոգեբանական բարեկեցության ծրագիր ուսուցիչների համար. Լուսանկար Արմեն Գրիգորյանին աշխատանք եմ առաջարկել վարչապետի աշխատակազմում. նախընտրել է դադար վերցնել. վարչապետ Ռուս ուղղափառ եկեղեցին արգելել է կանանց «սղոցել» իրենց գործազուրկ ամուսիններին Հայաստանն արտահանում է շուրջ 140 հազար տոննա գյուղմթերք, ինչպե՞ս կարող ենք մենք նման ծավալներով դուրս գալ եվրոպական շուկա «Փաստ». Հազարավոր մարդկանց գործազուրկ դարձնելու գլխավոր հեղինակը զբոսնում է սարերում ու անտառներում