Վարորդական վկայականի գործնական քննությունը հնարավոր կլինի հանձնել ցանկացած մարզում

Եթե քաղաքացին, պայմանականորեն, Երևանի հաշվառման քննական ստորաբաժանումում է հանձնում վարորդական վկայական ստանալու տեսական քննություն, ապա պարտավոր է գործնական քննությունը ևս հանձնել նույն տարածքային ստորաբաժանումում: Դա, քաղաքացիների արդարացի պնդումներով, շատ հաճախ չի ապահովում ճկունություն, խոչընդոտում է օր առաջ գործնական քննություն հանձնելու գործընթացին: Այդ մասին Կառավարության՝ սեպտեմբերի 4-ի նիստին ասաց ՀՀ ՆԳ նախարար Արփինե Սարգսյանը՝ ներկայացնելով նոր կարգավորումը:

«Ըստ այդմ՝ այս կանոնը դուրս է բերվում, այսինքն՝ մեր քաղաքացիները կարող են ազատորեն մուտք գործել հարթակ, տեսնել, թե որ օրն է հասանելի, և եթե, պայմանականորեն, տեսական քննությունը հանձնել են Երևանի հաշվառման քննական ստորաբաժանումում, և իրենց հարմար մոտակա օր կա հասանելի, պայմանականորեն, Շիրակի մարզի ստորաբաժանումում, ապա կարող են ազատորեն քննության համար գրանցվել տվյալ մարզում»,- ասաց նա:

Ըստ նախարարի՝ սա կնպաստի հերթերի կուտակումների նվազմանը կոնկրետ ստորաբաժանումներում, որոնք մշտապես ծանրաբեռնված ռեժիմով են աշխատում, այն է՝ փոփոխության արդյունքում կբալանսավորվեն հերթերը:

Այս թեմայով Հնարավոր է կարճատև անձրև և ամպրոպ Նավթի համաշխարհային գների նոր թռիչքը դարձավ անխուսափելի. հնարավոր է 150 դոլարից անցումը Ռուսաստանում հնարավոր է դարձել ԽՍՀՄ–ի փլուզումից ի վեր ամենամեծ փոփոխությունը Փաշինյանական «տարօրինակ» խաղերը` Մոսկվա հնարավոր այցի շեմին 2027-ի փետրվարից առանց լիցենզիայի կրիպտոծառայություններ մատուցել հնարավոր չի լինի․ ԿԲ