«ՀԵՐՈՍԱԲԱՐ ԶՈՀՎԵԼ Է ԱՆՕԴԱՉՈՒ ԹՌՉՈՂ ՍԱՐՔԻ ՀԱՐՎԱԾԻՑ». ՀԵՐՈՍ ՎԱՉԱԳԱՆ ՎԱՐԴԱՆՅԱՆ

 Սեպտեմբերի 1-ը, անմահ հերոս ՎԱՉԱԳԱՆ ՍԱՐՈՅԻ ՎԱՐԴԱՆՅԱՆԻ հիշատակի օրն էր, ուղիղ 2 տարի է անցել։ Նրա շիրիմին այցելեցին հարազատներ, ընկերներ, համագյուղացիներ, ծաղիկներ խոնարհեցին ու խնկարկեցին։ Iravunk. com - ի Շիրակի մարզի թղթակիցը ներկա է գտնվել։ Անմահ հերոսի մայրը, տիկին ՌՈՒԶԱՆՆԱ ՆԵՐՍԵՍՅԱՆԸ, Iravunk. com -ի Շիրակի մարզի թղթակցի հետ զրույցում խորը ցավը սրտում նշեց. «Վաչագանս ծնվել է 2004 թվականի հուլիսի 1-ին, Շիրակի մարզի Անի համայնքի Լանջիկ գյուղում։ 2010-2022 թվականներին սովորել և ավարտել է հայրենի գյուղի միջնակարգ դպրոցը։ 2021 թվականին հաճախել է Գյումրիի «Թումո» ստեղծարար տեխնոլոգիաների կենտրոն։ Որդիս զբաղվում էր նաև սպորտով։ Նրա սիրելի մարզաձևերն էին ֆուտբոլն ու բասկետբոլը։ 2023 թվականի հունվարի 15-ին է զորակոչվել Հայոց բանակ ծառայության։ Սկզբից ծառայում էր Արմավիրում, ապա տեղափոխվեց Վարդենիս, Սոթքի զորամաս։ Օրինակելի ու շատ կարգապահ զինծառայող է եղել։ Չարաբաստիկ 2023 թվականի սեպտեմբերի 1-ին, նենգ թշնամու դիվերսիոն խմբին հետ շպրտելու ժամանակ, հերոսաբար զոհվել է Սոթքում, անօդաչու թռչող սարքի հարվածից։ Վաչագանս ծառայեց 8 ամիս, որից 2 ամիսը անցկացրել է դիրքերում, լինելով առաջնագծում։ Այդ դիրքը նրան է վստահված եղել, նա ուներ կրտսեր սերժանտի կոչում, հրաձգային ջոկի հրամանատար էր։ Դիրքը իր իսկ ձեռքով էր կառուցել ու ծառայեց երդմանը հավատարիմ։ Հետմահու պարգևատրվել է «Մարտական խաչ» շքանշանով։ Հպարտ եմ, որ նման զավակ եմ լույս աշխարհ բերել, սակայն ցավը դրանից չի մեղմանում։ Ինձ հերոս պետք չէր,ինձ միայն պետք էր, որ որդիս հիմա տանը լիներ։ Ուղիղ 2 տարի անցավ, ցավը մնում է ցավ ու երբեք չի սպիանում, ինչ էլ լինի,երբեք չենք կարող համակերպվել այս անդառնալի, ծանր կորստի համար։ Թող ոչ մի մայր չտեսնի այն ցավը, որ ես ու մյուս որդեկորույս ծնողները տեսանք, խաղաղություն մեր երկրին։ ՀԱՎԵՐԺ ՓԱՌՔ ՄԵՐ ԲՈԼՈՐ ԱՆՄԱՀ ՀԵՐՈՍՆԵՐԻՆ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան CNN. ԱՄՆ-ն քիչ էր մնացել, որ պատերազմ սկսեր Չինաստանի հետ ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ Եթե Ռուսաստանի և Եվրոպայի միջև պատերազմ սկսվի, ապա այն կլինի միջուկային. Լավրով ԱՄՆ–ին կհաջողվի՞ իրանում քաղաքացիական պատերազմ հրահրել