Ինչու է ձերբակալվել Կուբանում ադրբեջանցիների կարկառուն ներկայացուցիչը

Կուբանում ադրբեջանական սփյուռքի հայտնի ներկայացուցիչներից մեկը՝ «Հին Բաքու սրճարան» և «Դար Ֆրուտ» ՍՊԸ-ների տնօրեն Շախլար Նովրուզովը, ձերբակալվել է 919 միլիոն ռուբլու արժողությամբ անշարժ գույքի հետ կապված խարդախության փորձի մեղադրանքով։

Քննությունը կարծում է, որ հանցագործությունը կատարելու համար հանցագործները, այդ թվում՝ Շախլար Նովրուզովը, Կրասնոդարի Պրիկուբանսկի շրջանային դատարան են ներկայացրել ամուսնության վկայական, որը, ենթադրաբար, կազմվել է Ադրբեջանում։ Իրավապահ մարմինների տվյալներով՝ փաստաթուղթը, որի հիման վրա հանցագործները փորձել են յուրացնել ակտիվները, կեղծ է եղել։

Նախկինում Շախլար Նովրուզովը ղեկավարել է «Գյուղատնտեսական արտադրանքի վերամշակման համալիր «Դարի Կուբանի» ՍՊԸ-ն, որը կառավարում է Կրասնոդարի արվարձաններում գտնվող խոշոր լոգիստիկ օբյեկտ՝ բանջարեղենի և մրգերի վաճառքի մեծածախ շուկա։

Պարոն Նովրուզովը նաև «Տուապսեի առևտրային ծովային նավահանգստի ձեռնարկություն» ՍՊԸ-ի սեփականատերն է։ Ընկերությունը Տուապսեի նավահանգստում ունի նավամատույց և վերբեռնման տերմինալ, որն օգտագործվում է ներմուծված մրգերի և բանջարեղենի արտադրանք ստանալու համար։

Իսկ ահա որոշ ռուսական աղբյուրներ ակնարկում են, որ Նովրուզովը ՌԴ-ի այս կարեւոր հատվածում Բաքվի շահերի հիմնական լոբբիստն է, ավելի ճիշտ` տարաբնույնթ, այդ թվում` քրեական մեթոդներով Բաքվի շահերն առաջ տանողը: Այն է` ակտիվորեն մեծացնել Կուբանում ազերիական դիասպորի թվաքանակն ու պոտենցյալը` ստանալով գերիշխող դեր անգամ ռուսների հանդեպ:

Այս թեմայով Իսրայելում 9-ամյա հայ երեխայի վրա հարձակված տղամարդը ձերբակալվել է Ինչու Կիեւի քաղաքապետ Կլիչկոյի երեխաները չեն գտնվում առաջնագծում Գերմանիայի արտագործնախարարը մեկնաբանել է, թե ինչու հանդիպում խնդրեց Լավրովից Ձերբակալվել է 6 անձ, ադ թվում՝ Աբովյանի համայնքապետարանի աշխատակիցներ Ձերբակալվել են մի շարք անձինք, այդ թվում՝ Աբովյանի համայնքապետարանի պաշտոնյաներ