Ռեալ քաղաքականության տեսակետից դեպի Բրյուսել և դեպի Պեկին վեկտորներն իրարամերժ են. Աշոտյան

ՀՀԿ փոխնախագահ Արմեն Աշոտյանը ֆեյսբուքյան իր էջում գրում է.

«Արձանագրենք, որ Նիկոլ Փաշինյանի չինական վոյաժը և, մասնավորապես, Շանհայի Համագործակցության կազմակերպությանը անդամակցելու Հայաստանի հայտը, ևս մեկ անգամ պայթեցնում են ռեժիմի կողմից փչած ԵՄ անդամության փուչիկը։

Այո, այս փուլում ֆորմալ իրավական արգելքներ նման միաժամանակյա անդամության համար ԵՄ-ի և ՇՀԿ-ի միջեւ, ի տարբերություն ԵԱՏՄ-ի, չկան։

Սակայն ռեալ քաղաքականության տեսակետից դեպի Բրյուսել և դեպի Պեկին վեկտորները իրարամերժ են։

Ի դեպ, կա՛մ տգետ էին, կա՛մ էլ մանիպուլյատիվ՝ ՇՀԿ լիիրավ անդամությանը դիմելու փաշինյանական հիմնավորումները, որոնք նա հնչեցրեց օգոստոսի 16-ին՝ ասելով, թե ՇՀԿ-ն մտադրված է վերացնել դիտորդի կամ ասոցիացված անդամի կարգավիճակները։

Իրականում, երեկ Չինաստանում ընդունված եզրափակիչ հռչակագրով այդ կազմակերպությունն ընդամենը միավորել է այդ երկու ստատուսները և այսպիսով արժեզրկել նաև Բրյուսելի չինովնիկների համար նախատեսված նիկոլական կուտը։

Իսկ թե ինչո՞ւ այդ նույն հռչակագիրը, անդրադառնալով այլ տարածաշրջաններին՝ Աֆղանստանից մինչև Գազա, չի անդրադարձել Հարավային Կովկասին և հայ-ադրբեջանական գործընթացին, առանձին վերլուծության հարց է»։

Այս թեմայով 12 քմ են խցերը, մարդիկ հոգեպես վատ վիճակում են, կալանքն ու անբարոյականությունը սովորական են դարձել․ Արմեն Աշոտյան Արմեն Աշոտյանի տնային կալանքը երկարաձգել ևս 3 ամսով Արմեն Աշոտյանի գործով դատավորն ինքնաբացարկ հայտնեց․ նիստն ավարտվեց Դատախազությունը պահանջում է ՀՀ կրթության և գիտության նախկին նախարար Արմեն Աշոտյանից հօգուտ Հայաստանի Հանրապետության բռնագանձել շուրջ 385 միլիոն դրամ, 3 անշարժ գույք Մեզ համար եվրոինտեգրումը ՀՀ-ի անվտանգությունն ապահովելու գործիք էր, ձեզ համար՝ ՀՀ-ն գործիք դարձնելու միջոց․ Աշոտյան