Իրանը հայտարարել է Մոսադի հետ կապ ունեցող ութ կասկածյալի ձերբակալության մասին

Իրանի Իսլամական հեղափոխության պահապանների կորպուսը հայտնել է, որ ձերբակալել է ութ անձանց, որոնք կասկածվում են Մոսադին ռազմական օբյեկտների և բարձրաստիճան հրամանատարների տվյալներ փոխանցելու մեջ։ Պաշտոնական աղբյուրների տեղեկացմամբ՝ կասկածյալները հատուկ պատրաստվածություն են ստացել իսրայելական հատուկ ծառայություններից առցանց հարթակների միջոցով և ձերբակալվել են Իրանի հյուսիսարևելյան շրջանում՝ մինչ իրենց ծրագրերի իրականացումը։ Նրանցից առգրավվել են պայթուցիկներ, պայթեցուցիչներ և հարձակողական միջոցներ։

Հունիսին Իսրայելը հրթիռային հարվածներ էր հասցրել Իրանի միջուկային օբյեկտներին, սպանել մի շարք հրամանատարների և խաղաղ բնակիչների՝ հարուցելով ամենածանր կորուստները Իրանի համար 1980-ականների Իրաքի հետ պատերազմից ի վեր։ Իրանն ի պատասխան հրթիռակոծել էր իսրայելական ռազմական օբյեկտներ և քաղաքներ, իսկ ԱՄՆ-ը միջամտել էր հարձակումներով հունիսի 22-ին։ Պատերազմը տևեց 12 օր և ավարտվեց ԱՄՆ-ի միջնորդությամբ հրադադարի պայմանավորվածությամբ։

Վերջին ամիսներին Իրանում արդեն մահապատժի է ենթարկվել առնվազն ութ մարդ՝ լրտեսության մեղադրանքներով, այդ թվում՝ միջուկային գիտնական Ռուզբեհ Վադին, որին օգոստոսի 9-ին կախաղան էին հանել Իսրայելին տեղեկատվություն փոխանցելու համար։ Մարդու իրավունքների կազմակերպությունները զգուշացնում են, որ Թեհրանը լրտեսության գործերը և արագացված մահապատիժները հաճախ օգտագործում է քաղաքական վերահսկողությունը խստացնելու նպատակով, հայտնում է Reuters-ը։

Այս թեմայով Ցավում եմ իրենց ավարտի համար, որովհետեւ զղջալու են իրենց ապրած կյանքի համար․ Հակոբկոխյան Գազայից առողջական լուրջ խնդիրներ ունեցող երեխաների անհրաժեշտ բուժօգնությունը կկազմակերպվի ՀՀ-ում Իսրայելը բազմիցս զգուշացնում էր Սիրիային, որ իր տարածքում նման տեղակայումը սպառնալիք է Իսրայելի անվտանգությանը. Արտակ Զաքարյան Խաղաղության խորհուրդը Գազայում ձգտում է էսկալացիայի նվազեցման․ ԶԼՄ Զենք փոխադրող ադրբեջանական ինքնաթիռը 5 օր անընդմեջ թռիչքներ է իրականացրել դեպի Իսրայել